भजन 104

रचै बाले के स्तुति

1हे मोर मन, तै यहोबा के धन्य कह

हे मोर भगवान यहोबा,

तै बोहत महान हबस, तै सोभा अउ बोहत जादा कपडा पहिरे हर हबै।

2जउन उजियार के चदरा के जसना ओढे रथस,

अउ आकास के तम्बू के जसना ताने रथस।

3तै अपन निबास जिघा के उप्पर पानी हे ठाड हबै।

तै बादर के अपन रथ बनाथै,

तै हवा के पंखन हे सबारी करथै।

4जउन हवा के अपन दूत,

अउ धंधकत आगी के अपन सेबक के जसना बनाथै।1

5तै भुंइ के उनखर नीह हे ठाड करिस,

ताकि ऊ कबहुन नेहको डगमगाय।

6तै ओखर गहीर सागर लग ढांक दय हबै जसना कपडा लग,

पानी डोंगरन के उप्पर ठहर गइस।

7तोर डांट फटकार लग ऊ भग गइस,

तोर गरजन के सब्द सुनत, ऊ हरबी करके बह गय।

8ऊ डोंगरन के उप्पर चढ गइस,

अउ तरी रास्ता लग उनखर जिघा हे उतर गइस, जसना तै उनखर निता तइयार करे रथस।

9तै सीमा रेखा भुंइ हे ठहराय, जेखर ऊ पल्ला नेहको जाय सकै,

अउ लउट के उहै जिघा के ढांक सकथै।

10तै नाली हे झरना के बहाथै,

उके डोंगर के बीच लग बहाथै।

11उनखर लग पटउरा के सगलू जानबर पानी पीथै,

पतेरा गदहा अपन पियास बुझा लेथै।

12उनखर लिघ्घो आकास के चिरइया बसेरा करथै,

अउ डगइल के बीच मसे बोलथै।

13तै अपन बादर लग डोंगरन के सींचथै

तोर कामन के फल लग भुंइ अघाय रथै।

14तै पसुन के निता चारा,

अउ मनसेन के काम के निता दाना मेर उपजाथै,

अउ हइ रीति भुंइ लग ऊ खाना के चीज के पइदा करै हबै।

15अउ अंगूर के रस जेखर लग मनसे के मन खुस होथै,

अउ तेल जसना चमकाय हबै, अउ दाना जेखर लग ऊ सम्हारे हबै।

16यहोबा के रूख अघाय रथै,

मतलब लबानोन के देवदार रूख जउन उहै के लगाय हर हबै।

17उनखर हे चिरइया अपन गोंदा बनाथै,

देवदार के रूखन हे सोउत हबै।

18ऊंच डोंगर पतेरा बोकडा के निता हबै,

अउ पटपर भलोड के रहै के जिघा हबै।

19उके नियम टेम के निता जोनइहा के बनाय हबै,

बेरा अपन बुडै के टेम जानथै।

20तै अंधियार करे हबै, तब रात हुइ जथै,

जेहमा पतेरा के सगलू जानबर घूमथै-फिरथै।

21सग्यान बघवा सिकार के निता गरजथै,

अउ भगवान लग अपन भोजन मांगे हबै।

22बेरा निकरथै ऊ चले जथै

अउ अपन माडा हे जा बइठथै।

23तब मनसे अपन काम के निता

अउ सांझ तक मेहनत करै के निता निकरे हबै।

24हे यहोबा, तोर काम अनगिनत हबै,

इन सगलू चीजन के तै बुध्दि लग बनाय हबै,

भुंइ तोर डेरा लग परिपूर हबै।

25इहै मेर समुंदर बडे अउ बोहत चउडा हबै,

अउ ओहमा अनगिनित पानी हे जानबर नान लग

बडे भरै पडे हबै।

26ओहमा जिहाज आउत जात हबै,

अउ पानी हे रहै बाले जीव जन्तु जेहमा, तै उहां खेलै के निता बनाय हबस।2

27इन सगलू के तोर हे आसरा हबै,

कि उनखर खाना टेम हे दय कर।

28तै उनही दय हबै, ऊ खाना लइ लेथै,

तै अपन मुट्ठा खोलथै अउ ऊ बढिया चीजन लग अघाय हबै।

29तै मुंह मोड लय हबै, अउ ऊ घबराय जथै,

तै उनखर सांस लइ लेथै, अउ उन उहै माटी हे मिल जथै, जिहां लग उन आय रथै।

30फेर तै अपन पल्ला लग जीवन कर सांस पठोय हबै,

अउ ऊ बन जथै, अउ तै भुंइ के नबा कर देथस।

31यहोबा के महिमा हरमेसा काल बने रहै,

यहोबा अपन कामन लग खुस होय।

32ओखर नजर लग भुंइ थरथराय उठथै,

अउ ओखर छीय लग डोंगरन लग कोहिटा निकरथै।

33मै जीवन भर यहोबा के गाना गाउत रइहों,

जब तक मै बने रइहों, तब तक अपन भगवान के भजन गाउत रइहों।

34मोर धियान करै ओखर पिरिया लगै,

काखे मै तउन यहोबा के कारन खुस रइहों।

35पापी मनसे भुंइ लग मिट जाय,

हे मोर मन,

यहोबा के धन्य कह,

यहोबा कर महिमा करा।3