भजन 103

भगवान कर माया

दाऊद कर भजन

1हे मोर मन, यहोबा के धन्य कह,

अउ जउन कुछ मोर हे हबै, ऊ ओखर पवितर नाम के धन्य कहै।

2हे मोर आतमा, यहोबा के धन्य कहा,

अउ झइ बिसरहे ऊ सचमुच दयालु हबै।

3जउन तोर सगलू पाप के छमा करे हबै,

जउन तोर सगलू नंगहन के ठीक करे हबै।

4भगवान हमर परान के मरघटी लग बचाय हबै,

अउ ऊ हम के परेम अउ करुना दय हबै।

5भगवान हमके भरपूर बढिया चीज दय हबै।

ऊ हमके फेर उकाब कर जसना सगियान करे हबै।

6परभु सगलू सताय हर मनसे के निता, मुकति

अउ नियाव के काम करे हबै।

7ओसनेन मूसा हे अपन गली,

अउ इस्राएल के सन्तान हे अपन काम परगट करे।

8यहोबा दयालु अउ दया करै बाले हबै,

देर लग गुस्सा करै बाले अउ बोहत करुनामय हबै।

9ऊ सदा डांटत नेहको रही,

अउ न सदा के निता गुस्सा करी।

10हम भगवान के बिरोध पाप अउ अपराध करेन,

पय भगवान हमके सजा नेहको देथै, जउन हमके मिलै के चाही।

11जेतका आकास भुंइ के उप्पर हबै, ओसनेन ओखर करुना अउ माया,

ओखर डर मानै बाले हे बोहत बडा हबै।

12पूरब पस्चिम लग जेतका दुरिहां हबै,

ऊ हमर पाप हमर लग ओतकै दुरिहां करे हबै।

13अपन पुजारी हे यहोबा ओसनेन दयालु हबै,

जसना बाफ अपन टोरवन हे दया करथै।

14काखे ऊ हमर रचना जानथै,

अउ उके सुरता रथै, कि मनसे माटी लग बनाय हबै।1

15जीवन नान हबै, अउ हम पतेरा कर चारा मेर बढथै,

अउ फडथै-फूलथै।

16उमर ओखर उप्पर लग बहे हबै, अउ ऊ ठहर नेहको पाही, ओखर जिघा ओखर फेर

कबहुन नेहको चिनहीं।

17पय यहोबा के परेम सदा बने रथै। भगवान सदा हरमेसा खुद पुजारिन लग परेम करथै, भगवान के दया

ओखर लरकन लग लरकन तक बने हबै।

18जउन ओखर टीमा के पूर करे हबै,

जउन ओखर आदेसन के सुरता करत ओखर पालन करथै।

19भगवान के राजगद्दी स्वरग हे सुरुआत हबै,

हर चीज ओखर सासन हबै।

20हे यहोबा के दूत, तुम जउन बडे बीर हबस,

अउ ओखर बचन के माने लग ओखर पूर करथै

ओखर महिमा करा।

21हे यहोबा के सगलू सिपाही,

हे ओखर हरवाह तुम जउन ओखर इक्छा पूरा करथा, ओखर महिमा करा।

22हे यहोबा सगलू दुनिया, ओखर राज के सगलू जिघा हे उके धन्य कहा।

हे मोर मन तय

यहोबा कर महिमा करा।