Bhumiya
भजन 102
समस्या हे पडे जबान कर बिनती
अक्ठी पीडित मनसे कर बिनती जब ऊ दुख के मारा अपन सोक कर बात यहोबा के आगू खोलके कथों
हे परभु, मोर बिनती सुन,
मोर पुकार तोर आगू पहुंचय।
मोर संकट के रोज अपन मुंह मोर लग
न लुकोय, अपन कान मोर पल्ला लगा,
जउन टेम मै गोहराइहों
मोके हरबी उत्तर दे।
मोर रोज कोहिटा के जसना उठ जथै,
मोर हाडा भट्ठा के जसना धंधकत रहै।
मोर हिरदय चारा के मेर झुलस के झुराय गय हबै,
मै अपन खाना खाय के बिसर गयों।
खुद के दुख के
मोर देह कर खलरी चिपक गय हबै।
मै पतेरा के अक्ठी खुसरा कर जसना हुइ गयो ,
मै खन्डहरन के जिघा खुसरा जसना बन गय हव।
मै सोय नेहको पायों,
मै उहै चिरइया जसना हुइ गय हों जउन छत के उप्पर अक्कले हबो।
मोर बैरी लगेतार मोर बुराई करे हबै,
अउ मनसे मोर नाम लइके किरिया खथै।
मै रोटी के जसना राख खथो,
मै अपन पानी हे आंसू मिलाथों।
तोर गुस्सा, तोर कोप के कारन,
काखे तै मोके उठाय के फटक दय हबै।
मोर दिन ढलत हर छाया के जसना हबै,
मै चारा के जसना झुलस गय हव।
पय हे यहोबा, तै तउन सदा अमर रहै,
तोर नाम सदा अउ हरमेसा बने रहै।
तै उठके, अउ सिय्योन पय दया करहे,
उहै पय किरपा करे के इहै टेम हबै
निस्चित टेम आ गय हबै।
तोर सेबक
ओखर खन्डहरन के
परेम करथै,
ओखर बिनास उनके दया आथै।
मनसे यहोबा के नाम के महिमा करही, हे भगवान, धरती के
सगलू राजा तोर नाम लग डरहीं।
परभु सिय्योन के दुइ बेर बनाय करही,
ऊ अपन महिमा हे परगट होही।
ऊ गरीब मनसे के बिनती के पल्ला मुंह करही,
ऊ उनखर बिनती के इक्छा नेहको करही।
उनखर बातन के लिखे ताकि आगू के पढे जइ।
अउ ऊ मनसे आमैबाले टेम हे यहोबा के गुन गाही।
काखे यहोबा अपन ऊंच पवितर जिघा लग
आंख लग स्वरग लग भुंइ के पल्ला देखथै।
ऊ कैदिन कर चिल्लाना सुनिस,
अउ उन मनसेन कर आजाद अउ उन मनसेन के अजाद कर दइस, जिनही मिरतू कर सजा सुनाय गय रथै।
फेर सिय्योन हे मनसे यहोबा कर महिमा करही।
यरुसलेम हे मनसे यहोबा के गुन गाही।
असना तब होही यहोबा मनसेन के फेर अकजिघा असना तब होही
जब राज यहोबा के सेबा करही।
परभु के गली हे मोर बल के घटाय दइस,
मोर उमर के दिन ओसने कम कर दइस।
इहैनिता मै कथो, मोर परान नान उमर हे झइ उठा, हे भगवान,
तै सदा अउ हरमेसा अमर बने रही।
बोहत टेम पहिले तै दुनिया के बनाय,
तै खुद अपन हाथन लग आकास बनाय।
ऊ दुनिया अउ आकास नस्ट हुइ जही
, पय तै सदा जिंदा रइहे ऊ चीज के जसना तै पुरान हुइ जही।
चीज के जसना
तै उनके बदलहे सगलू बदल दय जही।
पय तै उहै हबस, अउ
तोर सालन के आखरी नेहको होही1।
तोर दासन कर लरका बने रही,
अउ उनखर लरका तोर आगू स्थिर रइही।
Source notes (1)
- Cross-reference इब्रानिन 1:10-12
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.