भजन 101

अक्ठी राजा कर टीमा

दाऊद कर भजन

1मै करुना अउ नियाव के बिसय गइहों,

हे यहोबा, मै तोर भजन गइहों।

2मै बुध्दिमान लग असली गली हे चलहुं।

तै मोर लिघ्घो कब आबे?

मै अपन घर हे मन के खरा के संग चलहुं।

3मै कउनो गलत काम हे चित नेहको लगाहुं,

मै बेकार गली हे चलैबाले के काम लग नफरत रखथों,

असना काम हे मै नेहको लगहुं।

4टेढका आदत मोर लग दुरिहां रही,

मै बुराई के जानो नेहको।

5जउन लुकके अपन परोसिन के चुगली करही,

ओखर मै सत्यानास करिहों, जेखर आंख चढे होय अउ जेखर मन घमंडी हबै,

ओखर मै न सइहों।

6मोर आंख देस के बिस्वासओग मनसेन हे लगे रही

कि मोर संग रहै,

जउन निरदोस गली हे चलथै,

ऊ मोर सेबा करही।

7जउन धोखा करे हबै ऊ मोर घर के भित्तर

न रह पाही, जउन झूठ बोले हबै ऊ मोर आगू बने न रही।

8भिनसारे-भिनसारे के मै देस के सगलू बुराई के सत्यानास करिहों,

इहैनिता कि भगवान के

सहर के सगलू बेकार काम करैबाले के नस्ट करिहों।