भजन 1

पहिला भाग

(भजन 1—41)

धरमी अउ पापी मनसे

1का धन्य हबै ऊ मनसे

जउन दुस्टन के सहमत हे नेहको चलथै,

जउन पापिन के गली हे ठाड नेहको होथै,

अउ जउन ठट्ठा मजाक करै बाले झुंड हे नेहको बइठथै,

2पय ओखर सुख यहोबा भगवान के नियम हे हबै,

अउ ऊ दिन-रात ओखर धियान करथै।

3ऊ उस रूख के जसना हबै

जउन नदिया टाठा हे लगाय गइस,

जउन अपन रितु हे फडथै,

अउ जेखर पान नेहको मुरझाथै। जउन कुछ नेक मनसे करथै, ऊ सफल होथै।

4पय अधरमी मनसे असना नेहको होथै,

उन भूसा कर जसना हबै, जेही हवा लग उडाय जथै।

5अउ न अधरमी मनसे भगवान के अदालत हे,

अउ न पापी मनसे नेक के मंडली हे ठाड हुइ सकही।

6यहोबा भगवान नेक के गली जानथै।

पय नेक अपन गली के कारन नास हुइ जइहीं।