होसे 6

पस्चाताप करै के दिखाबा

1“चला, हम भगवान के पल्ला फिरी, काखे उहै फाडिस, अउ उहै निक्खा करही, ऊ मारिस, अउ उहै हमर खत्ता हे पट्टी बांधही। 2दुइ रोज के बाद ऊ हम के जिन्दा करहीं, अउ तीसर रोज ऊ हमके उठायके ठाड करही, तब हम ओखर उपस्थिति हे जिन्दा रहब। 3आबा, हम ग्यान खोजी, पय भगवान के ग्यान पामै कर निता परयास करी, काखे भगवान के परगट होमै के भिनसारे के जसना निस्चित हबै, ऊ बरसा के जसना हमर उप्पर आही, अउ बरसात के आखरी बरसा के जसना जेखर लग भुंइ सिंचथै।” 4पय यहोबा कथै, “हे एप्रैम अउ यहूदा, मै तुम्हर संग काहिन करो? तुम्हर परेम मोर निता सकरहा के कोहिटा के जसना लुप्त हुइ जथै, हइ ओस के जसना हबै, जउन दिन हे लुप्त हुइ जथै। 5हइ कारन मै ओखर अक्किल बाले के दवारा माना उनखर हे टंगिया उनही काट डारिस, अउ अपन मुंह के बचन लग उनही मारिस, अउ मोर नियाव उजियार के जसना चमकथै।” 6काखे मै बलि लग नेहको, स्थिर माया लग खुस होथै, अउ अगनी कर बलि लग जादा हइ चाहथो कि मनसे भगवान के ग्यान रखै।1 7पय उन मनसे आदम के जसना टीमा के टोर देथै, ऊ मोर लग बिस्वास-घात करे हबै। 8गिलाद नाम सहर तो बेकार कामन लग भरे हबै, ऊ खून लग भरे हर हबै। 9जसना लुटेरन के दल कउनो के घात हे बइठथै, ओसनेन याजकन के दल सकेम के गली हे खून करथै, पय उन बडा पाप करे हबै। 10इस्राएल के घराना हे मै रोंमा ठाड होय के कारन देखे हव, ओहमा एप्रैम के बेसिया अउ इस्राएल के असुध्द पाय जथै। 11हे यहूदा, जब मै अपन मनसेन के गुलामी लग लउटा लइ आनहुं, ऊ सजा के निता तोर खातिर सजा ठहराय हबै।