होसे 13

इस्राएल के आखरी नियाव

1जब एप्रैम बोलथै, तब मनसे कांपत रथै, अउ ऊ इस्राएल हे बडा रथै, पय जब ऊ बाल देउता कर पूजा करिस, ऊ अपराध के कारन मर गइस।1 2अब उन मनसे पाप हे पाप बढाउत जथै, अउ अपन दिमाक लग चांदी लग मूरती बनाथै, जउन कारीगरन लग बनिस, उनखरै बारे हे मनसे कथै, इन बइला के मेर मूरतिन के रकरन के चूमै। 3हइ कारन उन सुबेन्ने के कुहिटा के जसना अउ भिन-सारेन ओस कर बूंद के जसना भुलाय जइहिन, उन खनेड लग उडामै बाले भूसा के जसना या चिमनी लग निकडैबाले धुंवा के जसना उड जइहिन। 4मिस्र देस लग मै यहोबा तोर भगवान हवं, तै मोके छांडके कउनो के भगवान करके झइ जनिहें, काखे मोर सिबाय कउनो तोर मुकति करै बाले नेहको हबै। 5ऊ टेम तोर हे मन लगायों, जब तै पतेरा हे बोहत सुखाय हर देस हे रथै।2 6पय जब इस्राएली मनसे के खाना खबाइस, अउ उन अघाय गइस, तब अघाय गइन ता उनखर मन घमंड लग भर गइस, हइ कारन उन मोके बिसर गइन। 7इहैनिता मै उनखर निता बघवा जसना बने हव, मै चितुवा के जसना उनही रास्ता हे घात लगाय रइहों। 8मै लरका के झटके हर भलुवा के जसना बनके उनही मिलिहों, अउ उनखर करेजा के फाड डरिहों, अउ बघवा के जसना उनही उहै खाय जइहों, जसना जंगली जानबर के जसना उनही चीर-फार डरही। 9हे इस्राएल, तोर बिनास के कारन हइ हबै, कि तै मोर मतलब अपन सहायक कर बिरोधी हबै। 10तोके बचामै बाले तोर राजा कछो हबै? तोर मदत करै बाले तोर सासक कछो हबै, जिनखर बारे तै मोके कहे रथस, हमके राजा दे, हमके सासक दे?3 11मै तोके गुस्सा हे राजा दय रथों, पय अब मै जलजलाहट हे आयके उनखर लग वापिस लइ लयों।4 12एप्रैम के दुस्टता गठरी हे बंधररे हर हबै, ओखर पाप अकजुट करे हर हबै। 13उके लरका पइदा के जसना मेर पीरा उठही, पय पइदा होय बाले लरका मूरुख हबै, जउन ऊ गरभ लग पइदा होय हे देरी करथै। 14मै उके नरक के कबजा लग छंडाय लेहुं अउ मिरतू लग उके आजाद करिहों, हे मिरतू, तोर मारै के सक्‍ति कछो हबै? हे नरक तोर नास करै के सक्‍ति कछो हबै? मै फेर कबहुन तरस नेहको खइहों।5 15चाहे ऊ अपन भाई लग जादा फूलै-फडै, तउमा पूरबी हवा ओखर हे चलही, अउ भगवान के पल्ला लग रेतहली परदेस लग आही, अउ ओखर पानी कुन्ड सुखाय जही, अउ ओखर धरे हर कीमती चीजन के ऊ लूट लइ जही। 16सामरिया राज दोसी ठहरही, काखे ऊ अपन भगवान लग बिदरोह करे हबै, ऊ तलबार लग मारे जइहिन, उनखर लरका भुंइ हे पटके जही, अउ जउन डउकी लादा हे हबै उन चीर डारे जइहिन।