होसे 11

इस्राएल के निता भगवान कर माया

1यहोबा कथै, जब इस्राएल लरका रथै, तब मै ओखर लग माया करेव, अउ अपन टोरवा समझ के मिस्र देस लग बुलायों।1 2पय मै उनके बुलाथै, ओतनेन ऊ भग जथै, उन बाल देउता के निता बलि करथै, अउ खोदररे हर मूरतिन के निता धूप जलाउत गइन। 3महिन एप्रैम के चलै के सिखायों, अउ उनही कोरा हे लय घूमत-फिरत रहों, पय उन नेहको जानथै, कि उनखर निक्खा करै बाले महिन हबो। 4मै उनही मनसे जानके माया के डोरा लग खींचत रथों, अउ जसना कउनो बइला के जुआ खोलके, ओखर आगू चारा धर देया, ओसनेन महुं उनखर लग करेव। 5ऊ मिस्र देस हे लउट नेहको पाही, अस्सूर उनखर होही, काखे ऊ मोर पल्ला फिरै लग मना कर दय हबै। 6तलबार सहरन हे चलही, अउ उनखर भीठी दूरा के पूर नास करी, अउ हइ उनखर योजना के अन्त का कारन होही। 7मोर मनसे मोर लग फेरै दुरिहां जाय हे लगे रथै, इहैनिता उन उनके परम परधान भगवान के पल्ला बुलाथै, तउभरमा उनखर मसे कउनो मोर महिमा नेहको करथै। 8हे एप्रैम, मै तोके कसना छांड दो? हे इस्राएल, मै कइसन तोके बैरी के कबजा हे कर दों? मै कइसन तोके अदमा सहर के जसना छांड दों, सबोयीम सहर के जसना बनाय दों? मोर हिरदय तउन उलट-पुलट हुइ गइस, मोर मन माया के मारे पिघल गय हबै।2 9मै अपन गुस्सा के भडकै नेहको देहुं, अउ न मै फेर एप्रैम के नास करिहों, काखे मै मनसे नेहको भगवान हव, मै तोर बीच हे रहैबाले पवितर हबो, मै गुस्सा करके नेहको अइहों। 10उन परभु के पाछू-पाछू चलहिन, ऊ बघवा के जसना दहाडही, अउ तोर लरका पस्चिम दिसा लग कांपत अइहीं। 11उन मिस्र देस लग चिरइयन के जसना अउ अस्सूर देस लग परेवा के जसना कांपत अइहीं, अउ मै उनही उनखरै घर हे बसाय दइहों, यहोबा कर इहै बचन हबै।

इस्राएल अउ यहूदा कर बुराई

12एप्रैम झूठ लग अउ इस्राएल के घराना छल लग घेर लय हबै, अउ यहूदा कर मनसे अभिन्नो मोर उप्पर बिस्वास-ओग पवितर भगवान कर पल्ला सच्चा बने रथै।