होसे 10

1इस्राएल के अक्ठी लहल-हाउत रूख मेर हबै, जेहमा बोहत फडुहा लगथै, पय जसना-जसना ओखर फडुहा बढथै, तसना-तसना ऊ बोहत बेदी बनाइस, जसना-जसना ओखर भुंइ सुधरी, ओसनेन उन सुन्दर पवितर पथरा जथै। 2उनखर मन बटे हर हबै, अब ऊ दोसी ठहरहिन, ऊ उनखर बेदी के टोर डारी, अउ उनखर पथरा के पवितर मूरती के खन्डा-खन्डा करही। 3अब उन कइहिन, “हमर कउनो राजा नेहको हबै, काखे हम भगवान के भय नेहको मानन, इहैनिता राजा हमर काहिन कर सकथै?” 4उन बात बनाउत अउ झूठी किरिया खाय के टीमा बांधत हबै, जसना जोतररे हर खेतवा हे धतूरा के पउधा फुलथै, ओसनेन नियाव कर सुरुवात होही। 5सामरिया सहर के निबासी बेतावेन के रकरा के निता डरत रइहिन, अउ ओखर मनसे ओखर निता दुख मन-इहिन, अउ ओखर पुजारी जउन ओखर कारन मगन होथै, ओखर महिमा कर निता हइ कारन दुख रइहिन, काखे ऊ उनखर लग निकाड दय गइन। 6ऊ मूरती के महान सम्राट यारेब राजा के मुलाखात करै के निता अस्सूर देस हे पहुंचाय जही, एप्रैम लज्जित होही, अउ इस्राएल अपन मूरती के कारन लजाही। 7सामरिया के अपन राजा के सहित पानी के बुलबुला के तिनके जसना नास हुइ जही।1 8आवेन2 के ऊंच जिघा जउन इस्राएल के पाप हबै, ऊ नास हुइहिन, उनखर खंभा हे कांटा बाले पुडरा, अउ किटिल्ली रूख उगही, अउ ऊ टेम मनसे डोंगर लग कइहिन, हम के लुकोय ले, अउ डोंगर के इटिल्ली हमर हे गिर पड।3

भगवान दवारा इस्राएल हे सजा कर घोसना

9यहोबा कथै, इस्राएल कर मनसेन गिबा सहर हे पाप करै के बाद लग मोर बिरुद्ध पाप करै के बंद नेहको करिन, इहैनिता गिबा सहर हे युद्ध करै का पडिस। 10जब मोर इक्छा होही ता मै उनके सजा दइहों, अउ देस-देस के मनसे ओखर बिरुध्द अकजिघा हुइ जइहीं, काखे ऊ अपन दुनो बोहत बुराई हे फंसे हर हबै। 11एप्रैम सीखे हर कलोर हबै, जउन दाना दांय फान्दै लग खुस होथै, पय मै ओखर सुन्दर नटेरी जुआ धरे हबै, मै एप्रैम के खांधा हे जुआ रखिहों, यहूदा के खेतवा जोतेन के होही, याकूब के बख्खर चलामै के पडही। 12अपन निता नेकपन के बिजहा बोवा, तब करुना के जसना फसल काटै पइहा, अपन बंजर जमीन के जोता, देखा, अबे यहोबा कर पाछू हुइ ले के टेम हबै, कि ऊ आबै अउ तुम्हर उप्पर मुकति बरसाबै।4 13पय एखर बजाय तुम बुराई बोया अउ फडुहा काटा, तुम अपन झूठ लग पइदा होय हर फडुहा खाय हबा, काखे अपन चुने हर रास्ता हे अउ अपन योध्दा के बडा गिनती हे यकीन करे हबा। 14हइ कारन तुम्हर मनसेन हे युध्द हुइ जही, अउ तुम्हर सगलू गढ असना नास करे जही, जसना बेतर्बेल सहर लडाई के टेम सल्मन के दवारा नास करे गइस, ऊ टेम दाय अउ अपन लरकन समेत मार दय गय रथै। 15तुम्हर बोहत बुराई के कारन हे बेतेल लग इहैमेर के बेउहार करे जही, सकरहा इस्राएल के राजा पूर रीति लग नास हुइ जही।