निरगमन 9

पसुन के मिरतू

1फेर परभु मूसा लग कथै, फिरोन के लिघ्घो जा, तै उके कहबे, “इब्रिन के भगवान परभु कथै, मोर मनसे के जाय दे कि उन मोर आराधना करै। 2अगर तै उनही नेहको जाय दइहे, अउ उनही अभिन्नो रोके रखिहे, 3ता देख तोर घोडवा, गदहा, उंटवा, गाय-गोरू, अउ गेडरा, छेडी, अउ पसु जउन पटउरा हे हबै, उनखर हे परभु के हाथ उठही अउ अक भयंकर बडा रोग फइलही। 4पय परभु इस्राएल के पसु अउ मिस्र हे रहै बालेन के बीच अलग करही, जेखर लग इस्राएलिन के अक्कोठे पसु नेहको मरही।” 5परभु टेम निस्चित करिस, मै कल हइ काम मिस्र देस हे करिहों। 6परभु दूसर रोज असना करिस, मिस्र के रहैबालेन के सगलू पसु मर गइन, पय इस्राएलियन के अक्कोठे पसु नेहको मरिन। 7फिरोन मनसेन के पठोयके देखिस, कि इस्राएलिन के अक्कोठे पसु नेहको मरे हबै, फेर ओखर हिरदय कठोर बने रहिस, अउ ऊ इस्राएलिन के नेहको जाय दइस।

फोडा फुन्सी निकडिस

8परभु मूसा अउ हारून लग कथै, तुम भट्टी लग मुट्ठी भर राख लइ ले, अउ मूसा उके फिरोन के लिघ्घो आकास के पल्ला उडाय दइस। 9तब ऊ धूर बनके सगलू मिस्र देस हे बगर जही, अउ सगलू देस हे मनसेन अउ पसुन के देह हे फोडिया फुन्सी बनके फूट निकडही। 10इहैनिता उन भट्ठी लग मुट्ठी भर राख लइ आइन, अउ उन फिरोन के आगू ठाड हुइन, मूसा आकास के पल्ला राख उडाइस, ता ऊ मनसे अउ पसुन के देह हे फोडिया फुन्सी बनके फूट पडिस।1 11जादूगर फोडियन के कारन मूसा के आगू ठाड नेहको हुइ सकिन, सगलू मिस्र देस के रहैबालेन के अउ जादूगरन के देह हे फोडिया निकड आय रथै। 12तब परभु फिरोन के हिरदय के जिद्दी बनाय दइस, अउ ऊ इस्राएलिन के नेहको जाय दइस, जसना परभु मूसा लग गुठे रथै।

ओर कर बरसा

13परभु मूसा लग कथै, “सुबेन्नेन उठके फिरोन के आगू ठाड हो, तै ओखर लग कहबे इब्रिन के भगवान परभु कथै, मोर मनसेन के जाय दे, कि उन मोर सेवा करै। 14मै ई बेर अपन सगलू समस्या तोर हे2, अउ तोर हरवाहन अउ तोर मनसे हे पठोहुं, जेखर लग तोके मालूम हुइ जाय कि सगलू भुंइ हे मोर जसना कउनो नेहको हबै। 15मै चहितों ता अब तक अपन सकति पठोय के तोके अउ तोर मनसे के महामारिन के दवारा मार डालतों, अउ तै भुंइ लग मिट जइते। 16पय मै तोके हइ मकसद लग जिन्दा रखे हव, कि तोके अपन सकति दिखाहुं, जेखर लग सगलू भुंइ हे मोर नाम के बडाई करे जाय।3 17पय तै अबो तक मोर मनसेन के आगू रुकावट बनके ठाड हबस, अउ उनही काखे नेहको जाय देथस? 18देख कल इहै टेम मै भारी ओर के असना भयानक बरसाहुं, जसना मिस्र देस के स्थापना के रोज लग अब तक नेहको होय हबै। 19अब तै हरवाहन के पठोयके अपन सगलू पसुन के अउ तोर लिघ्घो पटउरा हे जउन पसु होय, उन सगलू के सुरक्छित जिघा हे पहुंचाय दे, काखे उन सगलू मनसे अउ पसु जउन भित्तर अकजिघा न होयके बाहिर पटउरा हे रइहिन, ओर कर बरसा होही अउ उन मर जइहिन।” 20फिरोन के हरवाहन मसे जउन मनसे यहोबा कर बचन के भय मानथै, ऊ अपन हरवाहन के अउ पसुन के घरन के भित्तर ओलिया दइस। 21पय जउन यहोबा कर बचन के अपन हिरदय हे जिघा नेहको दइन, ऊ अपन हरवाह अउ पसु पटउरा हे रहै दइस। 22परभु मूसा लग कथै, अपन हाथ बादर के पल्ला फइला जेखर लग सगलू मिस्र देस के मनसेन पसुन अउ खेतवन के पउधा हे ओर के बरसा होय। 23मूसा अपन डन्डा बादर के पल्ला उठाथै, ता परभु बादर के गरज के संग ओर पठोइस, बिजली भुंइ के पल्ला दउडिस, इहैमेर परभु मिस्र देस हे ओर के बरसा करिस। 24ओर के बरसा होत रहै, बिजली लगेतार ओर के बीच चमकत रथै, जब लग मिस्र देस बनिस, तब लग ओर के असना भारी बरसा सगलू देस हे कबहुन नेहको होय रथै।4 25ओर देस के मनसे अउ पसुन के जउन पटउरा हे रथै, नास कर दइस, ओर भुंइ के पउधा के नास कर दइस, खेतवन के रूख के नास कर दइस। 26केबल गोसेन इलाका हे, जिहां इस्राएल मनसे रथै, ओर के बरसा नेहको हुइस। 27फिरोन मूसा अउ हारून के बुलाइस, अउ ओखर लग कथै, मै ई बेर पाप करे हव, परभु सच्चा हबै, पय मै अउ मोर मनसे दोसी हबै। 28परभु लग बिनती करा, बादर के गरजन के संग ओर के बोहत बरसा होय चुके हबै, अउ मै तुमके जाय दइहों, तुम अउ अधिक नेहको रुकिहा। 29मूसा ओखर लग कथै, जइसनै मै सहर के बाहिर जहुं, परभु के पल्ला अपन हाथ फइलाहुं, तब बादर के गरजन बन्द हुइ जही अउ ओर फेर न बरसही, जेखर लग तोके मालूम हुइ जही कि धरती परभु के हबै। 30पय जिहां तोर अउ तोर हरवाहन के सबंध हबै, मै जानथों कि तोर परभु भगवान के कउनो डर नेहको हबै। 31अरसी अउ जबा के फसल नास हुइ गइस, काखे जबा के बाल निकड चुके रथै, अउ अरसी हे फूल आय गय रथै। 32पय गोंहू अउ गरहुन गोंहू नास नेहको हुइस, ऊ देर लग बढथै। 33जब मूसा फिरोन के लिघ्घो लग सहर के बाहिर गइस, अउ परभु के पल्ला अपन हाथ फइलाइस, अउ बादर के गरज अउ ओर के बरसा रुक गइस अउ भुंइ हे पानी गिरै के बन्द हुइ गइस। 34जब फिरोन देखिस कि बरसा ओर अउ बादर के गरज बन्द हुइ गइस, ता ऊ फेरै पाप करिस, ऊ अउ ओखर हरवाह अपन हिरदय के कठोर करिस। 35फिरोन के हिरदय हठीला होत गइस, ऊ इस्राएलिन के नेहको जाय दइस, जसना परभु मूसा के दवारा गुठे रथै।