निरगमन 19

सीनै डोंगर हे इस्राएल

1इस्राएली मनसे मिस्र देस लग निकडै के तीन महिना के बाद सीनै रतेहली परदेस छो आइस। 2जब उन रपीदीम लग कढ गइन, अउ सीनै के रतेहली परदेस हे पहुंचिन तब उहै, रतेहली परदेस हे तम्बू डालिन, इस्राएली मनसे पतेरा के आगू तम्बू डालिन। 3मूसा भगवान के लिघ्घो डोंगर छो गइस, परभु डोंगर हे पुकारके उनखर लग कथै, तै याकूब के घराना लग हइ गुठेबे, तै इस्राएली के हइ गुठे दे। 4तुम देखथा कि मै मिस्र के रहैबालेन के संग का करिन कउनमेर तुमके बाज चिरइया के डेखना हे बइठा के अपन लिघ्घो लइ आइन। 5अब अगर तुम धियान लग मोर बात सुनिहा अउ मोर टीमा के पालन करिहा, ता तुम सगलू मनसे हे मोर खास धन डेरा बनिहा, काखे सगलू भुंइ मोर हबै। 6तुम मोर निता याजक के राज अक्कोठे पवितर रास्ट बनिहा, तै इहै बात इस्राएलिन लग गुठेबे।1 7मूसा आइस, उन इस्राएली समाज के सियान के बुलाइस, अउ उनखर आगू हइ बात रखिस, जेखर आदेस परभु, मूसा के दय रथै। 8अउ सगलू मनसे अक संग जबाब दइन, परभु जउन गुठे हबै, उके हम करब, मूसा लउटिस अउ ऊ परभु के मनसेन के जबाब सुनाइस। 9परभु मूसा लग कथै, देख मै बादर के अंधियार हे तोर लिघ्घो आथों, जेखर लग जब मै तोर लग बात करिहों, तब मनसे उके सुन सकै, अउ सबरोज तोर हे यकीन करत रइहिन मूसा मनसेन के बात परभु के गुठेथै। 10परभु मूसा लग कथै, तै मनसेन के लिघ्घो जा, उनही आज अउ कल सुध्द कर उन अपन बन्डी धोमै। 11अउ तीसर रोज तक तइयार हुइ जाय काखे मै तीसर रोज सीनै डोंगर लग मनसेन के आगू आहुं। 12तै मनसेन के निता चउगिरदा पल्ला लाइन खीच देबे, अउ उनखर लग गुठेबे, सावधान तुम डोंगर हे झइ चढबे, अउ न ओखर खेरवा के छिहा, जउन मनसे डोंगर के छीही, उके मिरतू दंड दय जही। 13ऊ पथरा अउ तीर लग मारे जही चाहे मनसे होय, या पसु ऊ जिन्दा नेहको रही, असना मनसे या पसु के कउनो मनसे झइ छिय, जब महासब्द बाले नरसिंगे के आरो सुनाई दइ, तब कुछ मनसे डोंगर छो जइहिन। 14मूसा डोंगर लग उतरके मनसेन के लिघ्घो आइस, उन मनसेन के सुध्द करिस, उन मनसे अपन-अपन बन्डी धोइन। 15मूसा मनसेन लग बोलिस, तीसर रोज तक तइयार हुइ जइहा, तुम डउकी के लिघ्घो झइ जइहा। 16तीसर रोज सुबेन्ने बादर गरजिस, बिजली चमकिस, एक डोंगरा लग उतरिस, अउ नरसिंगे के एतका तेज आरो सुनाई दइस, कि उन मनसे थरथराय उठिन जउन तम्बू के भित्तर छो रथै।2 17तब मूसा मनसेन के भगवान लग भेंट करै के निता तम्बू लग बाहिर लाइन, उन डोंगर के तरी हे ठाड हुइ गइन। 18अउ यहोबा जउन आगी हे हुइके सीनै डोंगर हे उतरे रथै, हइ कारन सगलू डोंगर धुंवा लग भर गइस, अउ ओखर धुंवा भट्ठा के जसना उठत रहै, अउ सगलू डोंगर बोहत कांपै लगिस।3 19फेर नरसिंगे के आरो बढिस अउ बोहत बजन होत गय, तब मूसा बोलिस अउ भगवान आरो सुनाय के ओही जवाब दइस। 20यहोबा सीनै डोंगर के इटिल्ली लग उतरथै, ऊ मूसा के डोंगर के टिल्ली हे बुलाइस, ऊ गइस। 21यहोबा मूसा लग कथै, उतरके जा, अउ मनसेन के सचेत कर, असना झइ होय कि उन मोके परभु के देखै के निता सीमा रेखा के उलंघन करै अउ उनखर मसे सगलू नास हुइ जाय। 22मोर लिघ्घो आमै बाले याजक खुदय के सुध्द करै, नहिता मै उनही सजा दइहों। 23मूसा परभु लग कथै, “मनसे सीनै डोंगर हे नेहको चढ सकथै, काखे खुदय तै हमके चेतन्त दय हबस, डोंगर के चउगिरदा पल्ला, सीमा रेखा खींचके उके पवितर रखा।” 24परभु मूसा लग कथै, तै जा, अउ लउटके अपन संग हारून के ला, पय याजक अउ मनसे मोर लिघ्घो आमै के निता सीमा रेखा के उलंघन झइ करै, नहिता मै उनही सजा दइहों। 25तब मूसा डोंगर लग उतरके मनसेन के लिघ्घो गइस, अउ उनखर लग हइ बात कथै।