निरगमन 15

मूसा कर गाना

1तब मूसा अउ इस्राएली परभु के निता हइ गाना गाइस,

मै परभु के गीत गाहुं, ऊ अदभुत रीति लग जीत पाइस,

ऊ घोडवा समेत सबारिन के समुन्दर हे बहोय दइस।1

2यहोबा मोर सकति अउ मोर बल हबै, ऊ मोर मुकति बने हबै,

इहै मोर भगवान हबै, मै एखर महिमा करहुं, इहै मोर सियानन के भगवान हबै, मै एखर महिमा करहुं।2

3यहोबा योध्दा हबै, ओखर नाम परभु हबै।

4ऊ फिरोन के रथ अउ ओखर सिपाही के समुन्दर हे फटक दइस,

फिरोन के निक्खा नायक ललका समुन्दर हे बुड गइन।

5गहिरा पानी उनही मूंद लइस,

उन पथरा के जसना गहिरा समुन्दर हे बुड गइन।

6हे परभु तोर दहिना हाथ बल लग सक्तिसाली हबै,

हे परभु तोर दहिना हाथ बैरिन के छिन्न-भिन्न करथै।

7तै अपन महाप्रताप लग बैरिन के गिराय देथै,

तै अपन गुस्सा उनखर हे भडकाथै, ऊ उनही भूसा के जसना भसम कर देथै।

8तोर गुस्सा भरे सांस लग पानी अकजिघा हुइ गइस,

पानी ढेर बनके ठाड हुइ गइस, समुन्दर के बीच हे पानी जम गइस।

9बैरी कथै, “मै पाछु करहुं, मै उनही पकडहुं

मै लूट के माल के बटिहों, ओखर लग मोर परान भरपूर होही,

मै अपन तलबार खिचतै मोर हाथ उनही नस्ट करही।”

10तै अपन सांस ले उनही बहाय, समुन्दर उनके ढांक लइस,

उन सीसा के जसना गहीड समुन्दर हे बुड गइन।

11हे परभु देउतन हे तोर जसना कोहर हबै?

तोर जसना पवितर सक्तिसाली स्तुति करैबाले के भय ओग अउ चकित के काम करथै।

12तै अपन दहिना हाथ फइलाय,

ता भुंइ उके लील लइस।

13जउन मनसेन के तै मुक्त करे हबस, उनखर अपनी पुरखा के तै दया लग अगुवाइ करे हबै,

तै अपन सकति लग उनखर अपन पवितर निवास जिघा तक रस्ता बताइस।

14देस के मनसे हइ सुनके कांप उठहिन

पलिस्ती देस के रहैबाले के पीरा के जसना पीरा होय लगिस।

15एदोम कबीले के मुखिया ब्याकुल हुइ गइन, मोआब कबीले के नेता थरथरा उठिन,

सगलू कनान के रहैबाले डेराय गइन।

16जब तक हे परभु

तोर मनसे तोर खरीदे हर मनसे उहां ले निकरके नेहको गइन,

तब आतंक अउ भय उनखर हे छाय रथै,

तोर बल के महानता के कारन उन पथरा के जसना

निरजीव बने रहै।

17हे परभु तै अपन उस डोंगरा हे अपन ऊ जिघा हे जेही

तै अपन रहैबाले जिघा के निता बनाय हबै, उनही पहुंचाही हे परभु अपन पवितर जिघा हे जेही तोर हाथ स्थापित करे हबै,

तै उनही स्थिर करे हबस।

18परभु सबरोज राज करही।

मेरियम कर गाना

19हइ गाना गामै के कारन हइ हबै, कि फिरोन के रथ घोडवा अउ घुडसवार समुन्दर के भित्तर गइन, परभु उनखर उप्पर समुन्दर पानी लउटाय लाइस, इस्राएली समुन्दर के बीच झुराय हर भुंइ हे पार हुइन। 20तब हारून के बेहन मेरियम नबिया रथै, अपन हाथ हे खंजरी लइस, सगलू डउकी खंजरी लइके नाचत ओखर पाछु गइन।

21मेरियम उनखर संग हइ टेक गाथै,

परभु कर गीत गाबा, ऊ अदभुत रीति लग बिजय पाइस, ऊ घोडवा समेत घोडसवार के सागर हे बहोय दइस।

कडु पानी

22तब मूसा इस्राएलिन के ललका समुन्दर ले आगू लइ गइस, उन सूर के रतेहली परदेस हे पहुंचिन उन तीन रोज तक निरजल परदेस हे चलत रथै, पय उनही पीय के पानी नेहको मिलिस। 23जब ऊ मारा नाम झरना हे पहुंचिन, उन ओखर पानी नेहको पीय सकिन, काखे ऊ करु रथै, अउ ऊ झरना के नाम “मारा”3 पडिस। 24इस्राएली मूसा के बिरुध्द बक-बक करै लगिस, हम काहिन पीय? 25मूसा परभु के दुहाइ दइस परभु मूसा के रूख के अक्ठी पउधा दिखाइस, ऊ ओही पानी हे फटक दइस अउ पानी मीठ हुइ गइस, परभु उहां नियम अउ नियाव सिध्दान्त स्थापित करिस, उहां ऊ उनके परिक्छा करिस। 26परभु कथै, अगर तै अपन परभु भगवान के आरो धियान लग सुनहे, जउन काम मोर नजर हे सही हबै, उके करिहा मोर आदेस के सुना, अउ मोर सगलू नियम कर पालन करिहा, जउन मै मिस्र के रहैबालेन हे महामारी नेहको डालहुं, काखे मै परभु हव, तुमही चंगा करै बाले हबो। 27तब इस्राएली एलीम छो आइन, उहां बाराठे झरना अउ सत्तर खजूर के बिरवा रथै, उहां उन पानी के लिघ्घो तम्बू डालिन।