आमोस 9

इस्राएल कर नियाव

1मै परभु के बेदी के उप्पर ठाड देखों, अउ ऊ कथै, खम्भा के चोंटी हे मार, जेखर लग नीह डोलै, अउ उनके सगलू मनसेन के मूंड हे गिराय के खंडा-खंडा कर, अउ जउन नास होय लग बचहीं, उनहीं मै तलबार लग मार दइहों, उनखर मसे एकोठे नेहको भग पइहीं, अउ जउन खुद के बचइहीं, ऊ नेहको बच पइहीं।1 2“काखे चाहे उन खोदरा-खोदके अध-लोक हे उतर जाय,2 ता उहां लग मै अपन हाथ उठायके उनही लनिहों, चाहे उन आकास हे चढ जाय, ता उहां लग मै उनही उतार लनिहों।3 3चाहे उन करमेल डोंगर हे लुक जाय, पय उहां मै उनके खोज-खोजके पकड लइहों, अउ चाहे उन मोर आंखिन लग लुक के समुन्दर के तरी तक कढ जाय तउ मै सपुवा के आदेस दइहों अउ उनही काट लेही। 4चाहे बैरी उनही समेट के गुलामी हे लइ जाय, उहों मै आदेस दइके तलबार लग उनके मरवाय दइहों, अउ मै उनखर हे भलाई करै के निता नेहको, बुराई करै के निता देखहुं।” 5सिपा-हिन कर भगवान यहोबा के छीय लग भुंइ पिघलथै, अउ ओखर सगलू रहै बाले दुख करथै, अउ ऊ सगलू के सगलू मिस्र देस के नदिया के जसना हुइ जथै, जउन बढथै फेर लहरा मारथै अउ घट जथै। 6जउन बादर हे अपन कोठा के बनाथै, अउ अपन आकास मंडल के नीह भुंइ हे डालथै, अउ समुन्दर कर पानी भुंइ हे बहोय हबै, उहै के नाम यहोबा हबै। 7“हे इस्राए-लियन” यहोबा कर हइ बचन हबै, “का तुम मोर निता कूसियन के जसना नेहको हबा? का मै इस्राएल के मिस्र देस लग पलिस्ती राज के कप्तोर देस लग नेहको निकाड लाइस? अउ अरामियन के कीर देस लग नेहको लाइस?” 8देखा, भगवान यहोबा कर नजर हइ पापी राज हे लगे हबै, अउ मै इके भुंइ लग नास करिहों, तउमा मै पूर रीति लग याकूब के घराना के नास नेहको करिहों यहोबा कर इहै बचन हबै। 9“मोर आदेस लग इस्राएल के घराना के सगलू देसन हे असना छनिहों, जसना कि दाना के चलनी हे चालथै, पय ओखर एकोठे पूठ दाना भुंइ हे नेहको गिरही। 10मोर मनसेन के सगलू पापी जउन कथै, ऊ समस्या हमर हे नेहको देही, अउ न हमही घेरही, उन सगलू तलबार लग मारे जइहीं।

इस्राएल के फेरै बनाही

11“ऊ टेम मै दाऊद कर गिरे हर झाला के ठाड करिहों, अउ ओखर बारी के भीठी कर दरार के सुधरिहों, अउ ओखर खंड-हरन के फेरै बनइहों, अउ जसना ऊ पुरान टेम हे रथै, उके ओसनेन बनाय दइहों, 12जेखर लग उन बचे हर एदोम मनसे के सगलू देस के जउन मोर मनसे हबै, अपन हक हे लेय,” यहोबा जउन हइ काम पूर करथै, ओखर इहै बचन हबै।4 13यहोबा कर हइ बचन हबै, “देखा, असना रोज आथै, जउन किसान नागर जोतै बाले अउ फसल काटै बालेन के अउ अंगूर कचरै बाले, बिजहा बोमै बाले के बोबाई पूर नेहको होही, अउ डोंगरन लग नबा अंगूर कर रस टपकै लगही, अउ सगलू डोंगरन लग बह जही।5 14मै अपन खास मनसे इस्राएली के कैदिन के लउटाय लइ अनिहों, अउ उन उजडे हर सहर के सुधार के फेरै बसाहीं, उन अंगूर कर बगिया लगाय के अंगूर कर रस पीहीं, अउ बगिया लगाय के उनखर फडुहा खइहीं। 15मै उनही, उनखरै भुंइ हे बोबइहों, अउ उन अपन भुंइ मसे जउन मै उनही दय हबो, फेर कबहुन उखाडे नेहको जइहीं,” तुम्हर भगवान यहोबा कर इहै बचन हबै।