आमोस 6

इस्राएल के नास

1“हाय उनखर हे जउन सिय्योन हे सुख लग रथै, अउ उनखर हे जउन सामरिया के डोंगर हे निस्चित रथै1, उन जउन बडा देस हे पर-सिध्द हबै, जिनखर लिघ्घो इस्राएल के घराना आथै। 2कलने सहर छो जाय के देखा, अउ उहां लग हमात नाम के बडा सहर छो जा, फेर पलिस्तियन के गत सहर छो जा, का उन इन राजन लग निक्खा हबै? का उनखर देस तुम्हर देस लग बड्डे हबै? 3तुम बुरे रोज के दुरिहां कर देथै, अउ आतंक के राज के लिघ्घो लानथा। 4तुम हाथीदांत के पलंगन हे लेटथै, अउ अपन-अपन जठना हे गोड फइलाय सोथा, अउ गेडरा छेडिन मसे छउना अउ सार मसे रकरा खथा। 5तुम सारंगी के संग गाना गाउत, अउ दाऊद के जसना कइनमेर के बाजा दिमाक लग निकाडथा। 6अउ खोरिया मसे अंगूर कर रस पीथै, अउ निक्खा-निक्खा महकै बाले तेल लगाथै, पय यूसुफ हे आमै बाले परेसानी के बारे हे सुनके दुखी नेहको होथै। 7हइ कारन उन अब गुलामी हे पहिले जइहिन, अउ जउन गोड फइ-लाय सोउत रथै, उनखर मोज-मस्ती खतम हुइ जही।” 8सिपाही के भगवान यहोबा के हइ बचन हबै, भगवान यहोबा अपन किरिया खाय के कथै, “जउन हे याकूब घमंड करथै, ओखर लग मै नफरत, अउ ओखर राज-भवन लग बैर रखथों, अउ मै हइ सहर के सगलू मनसे जउन ओहमा हबै, बैरी के कबजा हे कर दइहों।” 9अगर कउनो घर हे दस डउका बचे रहै, तउनो उन मर जइहिन। 10जब कउनो के काका, जउन जलामै बाले होय, ओखर हाडन के घर लग बाहिर निकारै के निता उठाही, अउ जउन घर के छोर हे ओखर लग कथै, “का तोर लिघ्घो कउनो अउ हबै?” तब ऊ कथै, “कउनो नेहको” तब ऊ कथै, “चुप रह, हमके यहोबा के नाम नेहको लेय चाही।” 11काखे यहोबा कर आदेस लग बड्डे घर हे छेद अउ नान घर हे दरार होही। 12का घोडवा पथरा हे दउरै? का कउनो समुन्दर हे बइलन लग खेत जोतथै, जछो तुम मनसे नियाव के जेहर हे, अउ नेक के फडुहा के करू फडुहा हे बदल डारे हबै? 13तुम असना चीज के कारन मगन करथा, जउन बेकार हबै, लोदवान2 अउ कथै, “का हम अपन बल लग करनई सहर नेहको हुइ जथै?” 14हइ कारन सिपाही के भगवान यहोबा के हइ बचन हबै, “हे इस्राएल के घराना, देख, मै तुम्हर बिरुध्द अक्ठी असना राज ठाढ करिहों, जउन हमात सहर के घटिया लग लइके अराबा के नदिया तक तुम के संकट हे डालही।”