Bhumiya
आमोस 5
पस्चाताप करै के पुकार
हे इस्राएल के घराना हइ दुख के गाना के बचन सुना, जउन मै तुम्हर बारे हे कथो, “इस्राएल जउन कुंवारी टोरिया गिर गइन, अउ फेर उठ नेहको सकहिन, ऊ अपनै भुंइ हे पटक दय गय हबै, अउ ओखर उठाय बाले कउ नेहको हबै।” काखे भगवान यहोबा इस्राएल हइ कथै, “जउन सहर लग हजार सिपाही निकडत रथै, ओहमा इस्राएल के घराना के सव बचे रइहिन, अउ जेखर लग सव सिपाही निकडत रथै, ओहमा दस बचे रइहिन।” यहोबा, इस्राएल के घराना लग कथै, मोर खोज हे लगा, तब जिन्दा रइहे।1 बेतेल कर खोज हे झइ लगा, न गिल-गाल हे परबेस करा, अउ न बेरसेबा छो जा, काखे गिल-गाल निस्चय गुलामी हे जही, अउ बेतेल अब सूनसान पडही।2 यहोबा के खोज करा तब जिन्दा रइहा, नहिता ऊ यूसुफ के घराना हे आगी के जसना भडकही, अउ ऊ उके भसम करही, अउ बेतेल हे कउनो ओखर बुझामै बाले नेहको होही। हे नियाव के बिगाडै बाले अउ धरम के माटी हे मिलामै बाले। जउन कच-पचिया अउ म्रगसिरा के बनाय बाले हबै, जउन घोर अंधियार के भिनसारे कर उजियार बनाथै, जउन दिन के अंधियार करके रात बनाय देथै, अउ समुंदर के पानी जिघा के उप्पर बहाय देथै, ओखर नाम यहोबा हबै।3 ऊ तुरतै बलवान मनसे के नास कर देथै, अउ किला के सतिया-नास करथै। जउन मनसे अदालत हे सच्चाई लग नियाव करथै, ओखर लग तुम घिनाथा, अउ जउन सही बोलथै, ओखर लग नफरत करथा।4 तुम जउन गरीबन के कचरे करथा, अउ भेंट कहिके दाना जबरन लेथा, इहैनिता जउन घर हे तुम घूस के कमाई लग पथरन के बनाय हबै, ऊ घर हे नेहको रही पइहा, अउ जउन मन भामै बाले अंगूर कर बगिया तै लगाय हबस, ऊ अंगूर कर रस नेहको पीय पइहे। काखे मै जानथो कि तुम्हर पाप बोहत हबै, तुम नेक मनसे के सताथा अउ घूस लेथै, तुम अदालत के दूरा लग गरीब गुरबा मनसे के भगा देथा। हइ कारन जउन दिमाक बाले हबा, उन असना टेम चुप रहै, काखे टेम बेकार हबै।5 हे मनसेन, बुराई के नेहको, भलाई के खोजिहा, ताकि तुम जिन्दा रहा, अउ तुम्हर हइ कहे का सही ठहरै कि सुपाही के भगवान यहोबा तुम्हर संग हबै।6 बुराई लग बैर अउ भलाई लग माया रखा, अउ अदालत हे नियाव के स्थिर करा, का जानै सुपाही कर भगवान यहोबा यूसुफ के बचे हर हे अनुगरह करै।7 हइ कारन सुपाही कर भगवान, परभु यहोबा कथै, “सगलू चउकोन हे रोमै-पीटै होही, अउ सगलू रास्ता हे मनसे हाय, हाय करहिन, उन किसानन के सोक करै के निता, अउ जउन मनसे बिलाप करै हे निपुड हबै, उनही रोमै-पीटै के बलइहिन, अउ सगलू अंगूर कर बगिया हे रोमै पीटै के होही,” तब यहोबा हइ कथै, “मै तुम्हर बीच हे सजा लइके जहुं।” हाय तुमही जउन यहोबा कर रोज के अभिलासा करथा, यहोबा के रोज लग तुम्हर काहिन फायदा होही? ऊ उजियार के नेहको, अंधियार कर रोज होही। हइ असना होही जसना कउनो मनसे बघवा लग जान बचाउत भागत होय अउ भागत टेम ओखर सामना भलुवा लग हुइ जाय, या ऊ घर कर भित्तर पहुंचे, अउ आराम के निता भीठी हे हाथ धरै अउ उहै उके अक्ठी सपुवा चाब दे। का हइ सही नेहको हबै, कि यहोबा के रोज उजियार के नेहको, पय अंधियार होही? असना घोर अंधियार के जउन हे कुछु चमक झइ होय। “मै तुम्हर तेउहार लग बैर रखतों, अउ उनही ढिलवा जानथों, अउ तुम्हर बडा दरबार लग मै मगन नेहको।8 चाहे तुम मोर निता आगी-बलि अउ दानाबलि चढाबा, तउ-भरमा मै मगन नेहको हुइहों, अउ तुम्हर पोसे हर पसु के मेलबलि के पल्ला नेहको ओरगहुं। अपन गानन के हल्ला मोर लग दुरिहां करा, तुम्हर सारंगि-यन के सुर मै नेहको सुनिहों। पय नियाव के नदिया के जसना, अउ नेक के झरना के जसना लगेतार बहै देया। हे इस्राएल के घराना, तुम पतेरा हे चालीस साल तक पसुबलि अउ दानाबलि का मोके चढाउत रहा? इहैनिता अब काखे तुम अपन राजा देउता सक्कूत अउ अपन सितारा देउता केवान कर मूरतिन के पूजा करे हबै, इहैनिता तुम उन मूरतिन के अपन संग लइ जाय के होही।9 हइ कारन मै तुमके दमिस्क के ऊ पार गुलामी हे पठोय देहूं,” भगवान यहोबा सिपा-हिन के इहै बचन हबै।10
Source notes (10)
- Cross-reference होसे 10:12
- Cross-reference अमोस 4:4; 8:14
- Cross-reference अयूब 9:9; 38:31
- Cross-reference गलातियों 4:16
- Cross-reference इफिसियों 5:16
- Cross-reference भजन 34:12-16; मत्ती 7:7
- Cross-reference रोमियो 12:9
- Cross-reference यसा 1:11
- Cross-reference प्रेरितो 7:42-43
- Cross-reference निरगमन 12:12
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.