आमोस 4

1“हे बासान के गायो, सामरिया के डउकी डोंगर हे रहै बाले हइ बचन सुना, होय, जउन गरीबन हे अतिया-चार करथै, अउ गरीबन के कुचर डालथै, अउ अपन-अपन डउका लग कथै, अंगूर कर रस लाय दे हम पीय। 2भगवान यहोबा अपन पवितर के किरिया खायके हइ कथै, देखा, तै असना रोज आमै बाले हबै, कि तुम कांटा लग, अउ तुम्हर लरका मछडी के बनसिन लग खींच लय जही। 3तुम भीठी के छेदा लग हुइके सिध्धा निकर जइहे अउ हर्म्मोन डोंगर के पल्ला डाले जइहे,” यहोबा कर इहै बचन हबै।

इस्राएल सुधरे हे असफल

4“बेतेल सहर हे आयके अपराध करा, अउ गिल-गाल सहर हे आयके बोहत लग अपराध करा, अपन बलि मुरगोसा के अउ अपन दस-मांस हर तीसर रोज हे लइ आने करा, 5धन्यबाद कर बलि खमीर मिलायके चढाबा, अउ अपन इक्छा बलि के चरचा चलायके, उनखर परचार करा, काखे हे इस्राए-लियन, असना करै के तुमके भाथै” भगवान यहोबा कर इहै बचन हबै। 6“मै तो तुम्हर सगलू सहर हे दांत के सफाई कर दयों, अउ तुम्हर सगलू जिघा हे रोटी के कमी हबै, तउभरमा तुम मोर पल्ला फिरके नेहको आया” यहोबा कर इहै बचन हबै। 7“जब फसल कटनी के तीन महिना रह गइस, तब मै तुम्हर निता बरसा नेहको करिस, मै अक्ठी सहर हे पानी बरसाय के दूसर हे नेहको बरसायों, अक्ठी खेत हे पानी बरसिस, अउ दूसर खेतवा जउन हे नेहको बरसिस, ऊ झुराय गइस। 8इहैनिता दुइ तीन सहर के मनसे पानी पिय के मारे-मारे सहर-सहर फिरथै, पय नेहको अघाय, तउभरमा तुम मोर पल्ला नेहको फिरा,” यहोबा के इहै बचन हबै। 9“मै तुमके घाम अउ गेरुई रोग लग मारे हव, अउ जब तुम्हर बगीचा अउ अंगूर कर बगिया, अउ अंजीर अउ जैतून कर रूख बोहत हुइ गइन, तब चिड्डा उनके खाय गइन, तउभरमा तुम मोर पल्ला फिरके नेहको आया,” यहोबा के इहै बचन हबै। 10“मै तुम्हर बीच हे मिस्र देस के जसना महा-मारी रोग फइ-लायो, मै तुम्हर घोडवा के छंडायके तुम्हर सग्यान टोरवन के तलबार लग मारवा दयों, अउ तुम्हर रहे कर जिघा हे लहास कर बदबू तुम्हर लिघ्घो पहुंचायों, तउ-भरमा तुम मोर पल्ला फिरके नेहको आया” यहोबा कर इहै बचन हबै। 11“मै तुम्हर मसे कउ अक्ठी के असना नास कर दइस, जसना भगवान सदोम अउ अमोरा के नास कर दय रथै, अउ तुम आगी लग निकडे हर लकडी के जसना ठहरे हबा, तउ-भरमा तुम मोर पल्ला फिरके नेहको आया,” यहोबा कर इहै बचन हबै। 12“हइ कारन, हे इस्राएल, मै तोर लग असना करहुं, इहैनिता कि मै तोर हे हइ काम करै बाले हव, हे इस्राएल, अपन भगवान कर आगू नियाव के सामना करै के निता तइयार हुइ जा।” 13देख, डोंगरन के बनामै बाले अउ हवा के बनामै बाले, अउ मनसे के ओखर मन के बिचार बतामै बाले अउ मुरगोसा के अंधियार करै बाले, अउ जउन भुंइ के ऊंच जिघा हे चलै बाले, उहै के नाम सिपाहिन के भगवान यहोबा हबै। 1