आमोस 3

1हे इस्राए-लियन, हइ बचन सुना जउन यहोबा तुम्हर बारे हे, मतलब ऊ सगलू घराना के बारे हे कहे हबै, जिनही मै मिस्र देस लग लाय हव। 2“भुंइ के सगलू घराना मसे मै केबल तोर हे मन लगाय हव, हइ कारन मै तुम्हर सगलू बेकार कामन के सजा देहुं।

अक्किल बाले कर काम

3“अगर दुइठे मनसे आपस हे सहमत झइ होय, ता का उन अक संग चल सकहिन? 4का बघवा बिगर खाना पाय पतेरा हे दहाडही? का जबान बघवा बिगर कुछु पकडे अपन मांडा मसे गुर्राही? 5का चिरइया बिगर फांदा लगाय फसही? का बिगर कुछु फंसे फांदा भुंइ हे उचटी? 6का कउनो सहर हे तुरही फूंकै हे मनसे नेहको थरथ-राइहिन? का यहोबा के बिगर पठोय कउनो सहर हे कउनो समस्या आय पडही? 7इहैमेर लग परभु यहोबा अपन हरवाह अक्किल बाले हे, अपन भेद बेगर परगट करे कुछु नेहको करही।1 8जब बघवा दहाडही, ता कोन नेहको डरहिन? जब भगवान यहोबा बोलही, तब कउन आगू कर बात नेहको करही?”

सामरिया के नास

9असदोद के किला अउ मिस्र देस के किला हे परचार करके कइहा, “सामरिया कर डोंगर हे अकजुट हुइके देखा कि ओहमा का बडा हल्ला अउ ओखर बीच का अंधियार कर काम होत हबै।” 10यहोबा कर हइ बचन हबै, “जउन मनसे अपन किलन हे अनियाव अउ चोरटा कर डेरा अकजिघा करथै, ऊ सीधाई लग काम करै के नेहको जानथै।” 11हइ कारन भगवान यहोबा कथै, “देस के घेरैबाले अक्ठी बैरी होही, अउ ऊ तोर बल टोरही, अउ तोर किला के लूट लय जही।”2 12यहोबा हइ कथै, “जउन मेर बरेदी बघवा के मुंह लग दुइठे गोड या कान के अक्ठी खन्डा छंडाथै, ओसनेन इस्राएल कर मनसे, जउन सामरिया हे जठना के अक्ठी छोर या रेसमी गद्दी हे बइठे हर कुछ मनसे छंडाय जही।” 13सिपाही कर भगवान, परभु यहोबा कर हइ बचन हबै, “देखा, अउ याकूब के घराना लग हइ बात समझाय के कइहा, 14जउन टेम मै इस्राएल के ओखर पाप के सजा देहुं, उहै टेम मै बेतेल के बेदिन के नास करिहों, अउ बेदी कर सींग टुटके भुंइ हे गिर पडहिन।3 15मै जाड के किला के अउ धूप-काल के किला के गिराहूं, अउ हाथी-दांत लग सजररे हर घर अउ बडका किला नास होही,” यहोबा कर इहै बचन हबै।