जकर्‌याह 4

दीवाळ्‌यान सपनो

1अळतेन जु काहवाळ्‌यु मारे सी वात करतेलु, चु आवीन मेसे काजे असु जागाड़्‌यु जसु कुय माणुस नींद सी जागाड़े। 2चु मारे सी पुछ्‌यु, “तुसेक काय देखाव पड़े?”

मे कह्‌यु, “एक दीवाळ्‌यो छे, च आखो सनान छे, ने तेरु कटवरु तीनी चटी पर छे, ने तेरा सात दीवु छे; जीनु पर बत्‌ती वाटे सात खाचा छे।1 3दीवाळ्‌या धड़े जेतुनेन दुय झाड़का छे, एक तीना कटवरा जेवड़्‌ये आंग्‌ये ने एक तेरे डाखर्‌ये आंग्‌ये।”2 4तत्‌यार मे तीना काहवाळ्‌या सी जे मार साते वात करतेलु ती पुछ्‌यु, “ए मारा मालीक, जे काय छे?”

5जु काहवाळ्‌यु मार सी वात करतेलु, मेसे काजे जपाप आप्‌यु, “काय तु नी जाणे की जे काय छे?” मे कह्‌यु,

“ए मारा मालीक, मे नी जाणो।”

जरुब्‌बाबेल सी भगवानेन वायदु

6तत्‌यार चु मेसेक जपाप आपीन कह्‌यु, “जरुब्‌बाबेल वाटे यहोवान ज्‌य बुल छे, नीते ताकत सी ने नी सक्‌ती सी, बाकुन मारी आत्‌मान साहरे हवसे, ने आखा सी ताकत वाळा यहोवान जत बुल छे।3 7ए मटला बयड़ा, तु काय छे? जरुब्‌बाबेल अगळ तु खळदान हंय जासी; ने चु यहोवान मंदीरेन चटीन दगड़ु आयड़तु आवसे, तीना पर गीण-दया हवे, गीण-दया हवे!”

8अळतेन यहोवान ज बुल मारे धड़े आयो, 9“जरुब्‌बाबेल आपणा हात सी हीना घरेन नेवु नाखलु छे, ने चु आपसा हात सी तीनाक तीयार बी करसे। तत्‌यार तु जाणसी की आखा सी ताकत वाळु यहोवा मेसेक तुंद्‌रे धड़े मकल्‌यु। 10काहाकी कुण नान्‌ली वातेन दाहड़ा काजे नान्‌लु समजे। यहोवा ईनु सात डुळा सी आखी धरती पर नींगा करीन सावळ काजे जरुब्‌बाबेलेन हात मां देखसे, ने खुस हवसे।”4

11तत्‌यार मे तीनाक अळी पुछ्‌यु, “जे दुय जेतुनेन झाड़का काय छे, जे दीवाळ्‌या जेवड़्‌ये-डाखर्‌ये भीणी छे?”5 12अळतेन मे दीसरी कावा अळी तीनाक पुछ्‌यु, “जेतुनेन दुय डाळखा काय छे, जे सनान दुय खाचान साहरे तेल रेचवे?”

13चु मार सी कह्‌यु, “काय तु नी जाणे की जे काय छे?”

मे कह्‌यु, “ए मारा मालीक, मे नी जाणो।”

14तत्‌यार हयु कह्‌यु, “तेरो मतलब ताबला तेल सी भरला चे दुय अदमी छे, जु आखी धरतीन भगवान धड़े उबु रवे।”