Bhadrawahi Bible
भजन संहिता 150:6
Verse 6 is marked below, with the whole chapter around it. Read from the start
तारीफ़रू अक भजन
यहोवारी तारीफ़ केरा!
परमेशरेरी पवित्र ठैरी मां तैसेरी तारीफ़ केरा।
तैसेरी शेक्ति सेइं भेरतां अम्बरे मां
तैसेरी तारीफ़ केरा।
यहोवारे महान कम्मां केरे वजाई सेइं,
तैसेरी तारीफ़ केरा;
तै बड़ो महाने एल्हेरेलेइ तैसेरी तारीफ़ केरा।
नरशिंगे बज़ेइतां तैसेरी तारीफ़ केरा,
सैन्गी बज़ेइतां तैसेरी तारीफ़ केरा।
डफली बज़ेइतां ते नेच़तां तैसेरी तारीफ़ केरा;
तारदार साज़ बज़ेइतां ते बेंशोई बज़ेइतां
तैसेरी तारीफ़ केरा।
झ़ेल्ली केरे उच्चे आवाज़ी सेइं
तैसेरी तारीफ़ केरा;
आनन्देरे बड़े उच्ची आवाज़ी बाले झ़ेल्ली बज़ाते
परमेशरेरी तारीफ़ केरा!
ज़ेत्रे ज़ींते प्राणी आन
सब यहोवारी तारीफ़ केरन!
यहोवारी तारीफ़ केरा!
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.