Bhadrawahi Bible
भजन संहिता 100:4
Verse 4 is marked below, with the whole chapter around it. Read from the start
परमेशरेरे तारीफ़रू गीत
शुक्रेरू भजन
हे सारी दुनियारे लोकव, यहोवारू जयजयकार केरा!
खुशी सेइं यहोवारी आराधना केरा,
जयजयकार केरतां तैसेरे सामने एज्जा।
ई गल पक्की ज़ाना कि यहोवा ही परमेशरे,
तैन्नी असां बनेवरेम, ते असां तैसेरे अहम;
अस तैसेरे लोक, ते तैसेरे ड्लबड़ां केरि भैड्डां अहम।
शुक्र केरते तैसेरे फाटकन मां दाखल भोथ,
ते तैसेरे अंगन्न मां तारीफ़ केरते दाखल भोथ,
तैसेरू शुक्र केरा, ते तैसेरे नंव्वे जो धन ज़ोथ!
किजोकि यहोवा भलोए, तैसेरी दया हमेशारे लेई आहे,
ते तैसेरी सच़्च़ाई पीढ़ी करां पीढ़ी तगर रहचे।
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.