Bhadrawahi Bible
नहेम्याह 7
यरूशलेम फिरी बनावं गानू
ज़ैखन शहरपनाहरी मरम्मत पूरी भोइ जेई, ते मीं तैसेरे फाटक खड़े किये, ते पहरदार ते गीतां ज़ोनेबाले ते बाकी लेवी च़ुने, तैखन मीं अपनो ढ्ला हनानी ते राज गढ़ेरो हाकिम हनन्याह यरूशलेमेरो अधिकारी ठहराव। किजोकि तै सच़्च़ो मैन्हु ते बड़े लोकन करां जादे परमेशरेरो डर मन्ने बालो थियो। ते मीं तैन सेइं ज़ोवं, “ज़ांतगर बड़ी धुप न भखे, तांतगर यरूशलेमेरे फाटक नईं खोलने, ते ज़ैखन पहरदार पहरो देनेबाले मौजूद भोन तैखने फाटक बन्द किये गान ते अड्डे लाए गान। फिरी तू यरूशलेमेरे रानेबालन मरां रखवाले रेखां ज़ैना अपने-अपने घरेरे सामने पहरो देंते रान।” यरूशलेम नगर त बड़ू बड्डू थियूं, पन तैस मां लोक थोड़े थिये, ते घरां बनोरां न थियां।1
गुलैमी मरां वापस एजनेबालां केरि खानदानी
तैखन मेरे परमेशरे मेरे मने मां ऐह गल छ़डी, कि रईस, हाकिम ते प्रजारे लोकन एल्हेरेलेइ अकोट्ठे केरि, कि तैना एपनी-एपनी खानदानेरे मुताबिक गने गान। ते मीं यरूशलेम नगरे मां पेइले वापस एवरे लोकां केरां लिखोरां नंव्वां मैल्हां, ते तैस चिट्ठी मां इन लिखोरू थियूं।
ज़ैना लोक बाबेल प्रदेशेरे राज़े नबूकदनेस्सरे गुलाम बनेइतां नियोरे थिये, तैन मरां सूबेरे ज़ैना लोक गुलैमी मरां आज़ाद भोइतां यरूशलेम ते यहूदा मां अपने-अपने नगरे मां एवरे थिये। तैना इनां थिये, जरुब्बाबेल, येशुअ, नहेम्याह, अजर्याह, राम्याह, नहमानी, मोर्दकै, बिलशान, मिस्पेरेत, बिगवै, नहूम ते बानाह।
इस्राएली लोकां केरि गिनती ई थी: परोशेरे खानदाने मरां 2172, शपत्याहेरे खानदाने मरां 372, आरहेरे खानदाने मरां 652, पहत्मोआबेरे खानदाने मरां येशुअ ते योआबेरे खानदाने मरां 2818, एलामेरे खानदाने मरां 1254, जत्तू एरे खानदाने मरां 845, जक्कई एरे खानदाने मरां 760, बिन्नूई एरे खानदाने मरां 648, बेबै एरे खानदाने मरां 628, अजगादेरे खानदाने मरां 2322, अदोनीकामेरे खानदाने मरां 667, बिगवैरे खानदाने मरां 2067, आदीनेरे खानदाने मरां 655, हिजकिय्याहेरे कुल आतेरे खानदाने मरां 98, हाशूमेरे खानदाने मरां 328, बेसैरे खानदाने मरां 324, हारीफेरे खानदाने मरां 112, गिबोनेरे खानदाने मरां 95, बैतलहम ते नतोपा नगरां केरे मैन्हु 188 थी। अनातोत नगरेरे मैन्हु 128 थी। बेतजमावत नगरेरे मैन्हु 42 थी। किर्यत्यारीम, कपीरा, ते बेरोत नगरां केरे मैन्हु 743 थी। रामाह ते गेबा नगरां केरे मैन्हु 621 थी। मिकमाश नगरेरे मैन्हु 122 थी। बेतेल ते आई नगरां केरे मैन्हु 123 थी। दूइयोवं नबो नगरेरे मैन्हु 52 थी। दूइयोवं एलाम नगरेरे मैन्हु 1254, हारीमेरे खानदाने मरां 320, यरीहो नगरेरे मैन्हु 345, लोद हादीद ते ओनोरे मैन्हु 721, सना नगरेरे मैन्हु 3930, फिरी याजक मतलब येशुअरे घराने मरां यदायाहेरे खानदाने मरां 973, इम्मेरेरे खानदाने मरां 1052, पशहूरेरे खानदाने मरां 1247, हारीमेरे खानदाने मरां 1017 थी।
फिरी लेवी इना थिये: होदवारे खानदाने मरां कदमीएलेरे खानदाने मरां येशुअरे औलादी मरां 74, फिरी गीतां ज़ोनेबाले इनां थिये: आसापेरे खानदाने मरां 148,2 फिरी पहरदार इना थिये: शल्लूमेरू खानदान, ते आतेरेरू खानदान, तल्मोनेरू खानदान, ते अक्कूबेरू खानदान, हतीताएरू खानदान, ते शोबैरू खानदान, ज़ैना सब मिलेइतां 138 थी।
फिरी भवनेरे सेवकां केरां नंव्वां इना आन: सीहा एरू खानदान, हसूपा एरू खानदान, ते तब्बाओतेरू खानदान। केरोसेरू खानदान, सीआरू खानदान, पादोनेरू खानदान, लबानारे खानदाने मरां, हगाबारे खानदाने मरां, शल्मैरे खानदाने मरां, हानानेरे खानदाने मरां, गिद्देलेरे खानदाने मरां, गहरेरे खानदाने मरां, रायाहेरे खानदाने मरां, रसीनेरे खानदाने मरां, नकोदारे खानदाने मरां, गज्जामेरे खानदाने मरां, उज्जारे खानदाने मरां, पासेहेरे खानदाने मरां, बेसैरे खानदाने मरां, मूनीमेरे खानदाने मरां, नपूशसेरे खानदाने मरां, बकबूकेरे खानदाने मरां, हकूपारे खानदाने मरां, हर्हूरेरे खानदाने मरां, बसलीतेरे खानदाने मरां, महीदारे खानदाने मरां, हर्शारे खानदाने मरां, बर्कोसेरे खानदाने मरां, सीसरारे खानदाने मरां, तेमहेरे खानदाने मरां, नसीहेरे खानदाने मरां, ते हतीपारे खानदाने मरां,
फिरी सुलैमान राज़ेरे दासां केरू खानदान: सोतैरे खानदाने मरां, सोपेरेतेरे खानदाने मरां, परीदारे खानदाने मरां, यालारे खानदाने मरां, दर्कोनेरे खानदाने मरां, गिद्देलेरे खानदाने मरां, शपत्याहेरे खानदाने मरां, हत्तीलेरे खानदाने मरां, पोकरेत-सबायीमेरे खानदाने मरां, ते आमोनेरे खानदाने मरां,
भवनेरे सेवक ते सुलैमानेरे दासां केरे खानदाने मरां लोक मिलेइतां 392 थी।
ते इना तैना आन, ज़ैना तेल्मेलाह, तेलहर्शा, करूब, अद्दोन, ते इम्मेर नगरे मरां यरूशलेमे जो जेवरे थिये, पन अपने-अपने दादे-पड़दादां केरे घराना केरि वंशावली न ज़ोई सखे, कि इस्राएली आन या नईं। दलायाहेरे खानदाने मरां, तोबियाहेरे खानदाने मरां, ते नकोदारे खानदाने मरां, ज़ैना सब मिलेइतां 642 थिये। ते याजकन मरां हबायाहेरे खानदाने मरां, हक्कोसेरे खानदाने मरां, ते बर्जिल्लैरे खानदाने मरां, ज़ैनी गिलादी बर्जिल्लैरे कुइयन मरां एक्की सेइं ड्लाह बनेवरो थियो ते तैन्ना केरू नवं रखोरू थियूं। तैनेईं अपने-अपने खानदाने मां ते बाकी खानदन्न मां तोप्पु, पन न मैल्हू, एल्हेरेलेइ तैना अशुद्ध ठहरेइतां याजकां केरे पदे करां केढी छ़डे। ते हाकिमे तैन सेइं ज़ोवं, कि ज़ांतगर ऊरीम ते तुम्मीम लानेबालो कोई याजक परमेशरेरी इच्छा पतो न केरे, तांतगर तुस कोई पवित्र चीज़ न खेइ सखत।
पूरी मेण्डलरे मैन्हु ज़ैना गुलैमी मरां वापस आए तैना 42360 थिये। तैन केरे अलावा 7337 दास दैसी भी थी, ते 245 गीतां ज़ोनेबाले मड़द ते कौन्शां भी थी। तैन केरे घोड़े 736 ते खचरां 245 थी। ऊँट 445 ते गधे 6720 थिये।
ते पूर्वजां केरे घराना केरे किछ मैन्हेइं कम्मेरे लेई चन्दो दित्तो। हाकिमे त चन्दे मां 1000 दर्कमोन3 सोन्नू ते 50 कुटोरे ते 530 याजकां केरे लेई अंगरखे दित्ते। ते पूर्वजां केरे घराना केरे प्रधानेईं तैस कम्मेरे चन्दे मां 20000 दर्कमोन4 सोन्नू, ते 2200 माने चाँदी दित्ती। ते बाकी लोकेईं ज़ैन दित्तू, तैन 20000 दर्कमोन सोन्नू, 2000 माने चाँदी ते 67 याजकां केरे अंगरखे थी। एस तरीके याजक, लेवी, पहरदार, गीतां ज़ोनेबाले, प्रजारे किछ लोक ते भवनेरे सेवक ते सब इस्राएली लोक यहूदा मां अपने-अपने नगरे मां बेस्सी जे।
Source notes (4)
- Cross-reference एज. 2:1-70.
- Cross-reference एज. 2:40-42.
- Footnote लगभग 8 किल्लो
- Footnote लगभग 168 किल्लो
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.