लूका

लूकारी खुशखबरी

लिखने बालो

पुराने लिखनेबालां केरो एक्‍की खियाले सेइं कि, इस किताबरो लिखने बालो वैद्य लूका आहे, ते अपने इस किताबरे मुताबिक दूइयोवं पीढ़रो विश्वासी लगते। परम्परारे मुताबिक तै अक गैर कौमरो विश्वासी थियो। खास केरतां तै अक खुशखबरी प्रचार केरनेबालो थियो। तैनी लूकारी खुशखबरी ते प्रेरितां केरां कम्मां केरि किताबां लिखोरी थी। तै मसीहेरो प्रचार केरनेरे कम्मे मां पौलुसेरो साथी भी रेवरो थियो (

लिखनेरी तारीक ते जगाह

लगभग ई. स. 60-80

लूका ई किताब कैसरिया मां लिखनी शुरू कि ते रोमे मां एइतां पूरी की। लिखनेरे ठारां बैतलहम, गलील, यहूदिया ते यरूशलेम भोइ सेकतिन।

शुन्ने पढ़नेबाले

लूका ई किताब थियुफिलुसे समर्पित की। थियुफिलुसेरो मतलबे, “परमेशरे सेइं प्यार केरनेबालो।” इन साफ नईं कि थियुफिलुस विश्वासी थियो या विश्वासी बन्नू चातो थियो। ई गल कि लूका तैस जो “जनाब” ज़ोते 1:3, ई सुझाव देते कि तै अक रोमी उच्‍चे पदेरो अधिकारी रेवरो भोए। बड़े सबूत गैर कौमां केरे पढ़ने बालां केरे पासे इशारो केरतन। तैसेरे खास वचन थिये, “मैन्हेरू मट्ठू” ते “परमेशरेरू राज़” (

मकसद

यीशुएरे ज़िन्दगरो ज़िक्र लिखते, लूका यीशु जो “मैन्हेरू मट्ठू” ज़ोते। तैनी थियुफिलुसे लिखू कि, ज़ैन गल्‍लां केरि शिक्षा तैस दित्तोरीए तैन केरि पूरी समझ़ हासिल भोए (लूका 1:4) लूका स्तावरे वक्ते विश्वासेरी रखवाली केरि रेवरो थियो कि थियुफिलुसे समझ़ हासिल भोए कि यीशु पत्ती च़लनेबालन मां कोई रुकावट या बुरी गल न भोए।

खास मुद्दो

यीशु, अक खास मैन्हु

रूपरेखा

1. यीशुएरू ज़र्म ते शुरुआती ज़िन्दगी 1:5—2:52

2. यीशुएरी सेवारू शुरुआत 3:1—4:13

3. मुक्ति देनेबालो यीशु 4:14—9:50

4. यीशु क्रूसेरे पासे गाते 9:51—19:27

5. यरूशलेमे मां यीशुएरू दाखल भोनू ते क्रूसे पुड़ च़ाढ़ू गानू ते ज़ींतू भोनू 19:28—24:53