Bhadrawahi Bible
यशायाह 4
सिय्योन नंव्वू बनानू
तैस मौके सत कौन्शां एक्की मड़दे ट्लेइतां ज़ोली, “रोट्टी त असां अपनि खामेली, ते लिगड़ां भी असां अपना लामेली, सिर्फ असन जो तेरी ज़ोवं गाए; इश्शे बदनामी दूर केर।”
तैस वक्ते इस्राएलेरे बच़ोरे लोकां केरे लेई यहोवारी डालड़ी, खूबसूरती ते महिमा ठहरेली, ते ज़मीनरी पैदावार, खूब रोड़ी ते शोभा देनेबाली भोल्ही।1 ते ज़ै कोई सिय्योने मां बच़ोरो रालो, ते यरूशलेम नगरे मां रालो, मतलब यरूशलेम नगरे मां ज़ेत्रे लोकां केरां नंव्वां ज़िन्दगरे किताबे मां लिखोरां भोल्हां, तैन जो पवित्र ज़ोले।2 इन तैखन भोल्हु, ज़ैखन प्रभु न्याय केरनेबाली ते भस्म केरनेबाली आत्मारे ज़िरिये सिय्योनेरी कौन्शां केरि गन्दगी दूर केरेलो ते यरूशलेमेरो खून दूर केरेलो। तैखन यहोवा सिय्योन पहाड़ेरे हर एक्की घरे पुड़, ते सेभी ठारां केरे बह, दीसां तूएरी बिदलार, ते राती भड़कती अग्गरी लौ चमकेली, ते सारे वैभवे पुड़ अक तेम्बु भोल्हो। तै दीसां धुप्पी करां बच़ानेरे लेई छाव भोल्ही ते आँधी ते पानी ते झ़ेड़ी मां अक आड़ भोल्ही।
Source notes (2)
- Cross-reference यशा. 23:5;यिर्म. 27:6.
- Cross-reference प्रका. 20:15.
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.