Bhadrawahi Bible
यशायाह 12:2
Verse 2 is marked below, with the whole chapter around it. Read from the start
परमेशरेरे शुक्रेरू गीत
तैस दिहाड़े तू ज़ोलो, “हे यहोवा, अवं तेरू शुक्र केरताईं, किजोकि अगर तू मीं पुड़ सेरकोरो थियो, पन हुनी तेरी सरक ठंडी भोइ, ते तीं मीं शान्ति दित्तोरीए।”
हेर, “परमेशर मेरो मुक्ति देनेबालोए, अवं भरोसो रेखेलो ते न थेरकेलो; किजोकि प्रभु यहोवा मेरी ताकत ते मेरे भजनेरो विषय आहे, ते तै मीं मुक्ति देनेबालो भोइ जेवरोए।”1
तुस खुशी भोइतां मुक्तरे नागे करां पानी भरेले। ते तैस दिहाड़े तुस ज़ोले, “यहोवारी तारीफ़ केरा, तैस कां प्राथना केरा, सेभी कौमन मां तैसेरे बड्डे कम्मां केरो प्रचार केरा, ते ज़ोथ कि तैसेरू नवं बड़ू महाने।2 यहोवारू भजन ज़ोथ, किजोकि तैनी बड्डां-बड्डां कम्मां कियोरन, इस गल्ली सैरी धेरती पुड़ बांदी केरा। हे सिय्योने मां बस्सने बाली3 तू तैसेरी जयजयकार केर, ते ज़ोरे सेइं ज़ो, किजोकि इस्राएलेरो पवित्र परमेशर तीं मां महाने।”
Source notes (3)
- Cross-reference भज. 118:14;निर्ग. 15:2.
- Cross-reference भज. 105:1-2.
- Footnote सिय्योने मां बस्सने बाली सिय्योन नगरे मां बसनेबाले लोक
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.