2 Tesalonika

Weraung We Kodu Na Paulusi We Jemaat Na

Tesalonika

Kawio Aduna we 2 Tesalonika

Nyontarai na bendari Tesalonika we piana endoaoa eampa, ya esaneriru we awe Sen Yesusi ria we kodu eama pa. Kong piyana pa dong autang pitau na jemaati pai. Impaina Weraung We Kodu Na Paulusi We Jemaati Tesalonika pai nini, Paulusi soi we denyau ya parari autang yana pa. Embe totoi na Jemaati pai embuwua we Kristusi ria we kodu eama pa piana kikeu to. Impaina emaidai endupi wa, mana etamamang we Kristusi ki. Mana Paulusi doyo pitoai esanetatuata toyana pa pisarara pina. Wo Kristusi teweri to nunei eama wami, mana pimamunapa tawa pampong na nyontarai weanong we “Nyontarai Memuna” pai kong andi biateta Kristusi.

Paulusi denyau nyontarai entato ne weraung nei paya, we ya etadu didiwa pa ki mana emunuara na endoao Kristusi pa. Ya koiri-koiri endupi na wemai we eserai pi weya, parari Paulusi kong ne pandura pa sitoru.

Kawio na weraungnei kiutua tonina:

Kawio retenang.

Anyau parari Sen Yesus Kristusi teweri eama pa kong dong mambabati wu nyontarai endoaoa wa paya.

Paulusi denyau we endoaoa paya we entoa maitui na Seni, tuturapi didiwa pitaubai etaduta na nyontarai endoaoa wa paya pa.

Anyau parari We Memuna pai daria pa.

Anyau parari topitotoi Allai diri nyontarai endoaoa paya we ne nyontarai pa.

Kawio wepui pa.

Arera we pui pa.