Skip to content
BibleKenya

Ahirani Bible

गणना 7

वेदीना समर्पण करानं अर्पण

जवय मोशेनी निवासमंडपले उभं करं, अनी तो त्यामधला बठा सामान हाई अभिषेक करिसन पवित्र करात अनी वेदी अनी तिना बठा भांडा हाईबी अभीषेक करीसन पवित्र करं. तवय आशे व्हयनं बठा इस्राएल सरदार ज्या आपला पुर्वजसना घरानासनं मुख्य व्हतात त्यासनी अर्पण आनं; हया बठा येगयेगळा वंशमधला सरदार राहीसनी त्यासनी गणना करेल लोकेसवर देखरेख व्हती. त्यासनी परमेश्वरले अर्पण आनं त्या हया शेतस; वरतीन झाकेल सव गाडया अनी बारा बैल म्हणजे दोन सरदरासनीमांगे एक एक गाडी अनी एक एक सरदारनीमांगे एक एक बैल; त्यासनी ते निवासमंडपमा आणीसनी सादर करं; मंग परमेश्वरनी मोशेले सांगं; ती स्वीकार म्हणजे दर्शनमंडपना सेवाकरता त्याना उपयोग व्हई अनी ते लेव्यासले प्रत्येकना सेवाप्रमानं वाटी देवानं; तवय मोशेनी त्या गाडया अनी बैल लईसन लेव्यासले दिधं. गेर्षोन वंशसले त्यासना सेवाप्रमानं दोन गाडया अनी चार बैल दिधात; मरारी वंशसले त्यासना सेवाप्रमानं चार गाडया अनी आठ बैल दिधात; हाई बठा अहरोन याजकना पोर्‍या इथामार यासना हातखाल व्हतात; पण कहाथ वंशसले काहीच दिधं नही, कारण पवित्र स्थानमधल्या बठया वस्तु त्यासना खांदावर वाही लेवानी सेवा त्यासले नेमी देल व्हतं. वेदिना अभिषेक व्हयना तवय त्या रोज सरदारसनी तिना समर्पणनं अर्पण म्हणीन ते बैल अनी गाड्या सादर कऱ्यात, म्हणजे सरदारसनी आपलं अर्पण वेदिनामोरे सादर करं. तवय परमेश्वरनी मोशेले सांगं वेदीना समर्पणकरता सरदारसनी ज्यानात्याना अर्पण ज्यानात्याना नेमेल दिनले सादर करानं. पहिला रोज ज्यानी अर्पण आनं त्या यहूदा वंशमधला आम्मीनादाबना पोर्‍या नहशोन व्हता; त्यानं अर्पण हाई व्हती; पवित्रस्थानमधला चलनप्रमानं एकशे तीस शेकेल चांदीना एक ताट अनी सत्तर शेकेलनं चांदीना एक कटोरा, हया दोनी अन्नर्पण कराकरता तेलमां मळेल सपिठनं भरं व्हतं; धुपघाई भरेल दहा शेकेल सोनानं एक धुपाटनं, होम अर्पण कराकरता एक वासरु, एक मेंढा अनी एक वरीसना कोकरु. पापर्पणकरता एक बोकडया; शांत्यर्पण कराकरता दोन बैल, पांच मेंढा, पाच बोकडया अनी एक वरीसना पाच कोकरा हया बठा अर्पण आम्मीनादाबना पोर्‍या नहशोन यानी आनं; दुसरा रोजले इस्साखार वंशमधला सरदार सूवारना पोर्‍या नथनेल यानी अर्पण आनं; त्या हया शेतस: पवित्रस्थानमधला चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमां मळेल सपिठनं भरं व्हतं धुपघाई भरेल दहा शेकेल सोनानं एक धुपाटनं, होम अर्पण कराकरता एक वासरु, एक मेंढा अनी एक वरीसना कोकरु; पाप अर्पणकरता एक बोकडया; शांत्य अर्पण कराकरता दोन बैल, पांच मेंढा, पाच बोकडया अनी एक वरीसनं पाच कोकरा हया बठा अर्पण सूवारना पोर्‍या नथनेल यानी आणं; तिसरा दिवसले जबुलून वंशना अधिकारी हेलोनना पोर्‍या एलीयाब यानी अर्पण आनं; त्या हया शेतस: पवित्रस्थानमधला चलनप्रमानं एकशे तीस शेकेल चांदीनं एक ताट अनी सत्तर शेकेलनं एक कटोरा, हया दोनी अन्न अर्पणकराकरता तेलमा मळेल चांगलं पिठनं भरं व्हतं; धुपघाई भरेल दहा शेकेल सोनानं एक धुपाटनं, होम अर्पण कराकरता एक वासरु, एक मेंढा अनी एक वरिसनं कोकरु; पाप अर्पनकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण हेलोनना पोर्‍या एलीयाब यानं अर्पण व्हतं; चौथा दिवसले रऊबेनना वंशमधला अधिकारी शदेयुराना पोर्‍या एलीसूर यानी अर्पण आणं; त्या हया शेतस: पवित्रस्थानमधला चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमा मळेल सपिठनं भरं व्हतं; धुपघाई भरेल दहा शेकेल सोनानं एक धुपाटनं, होमार्पण कराकरता एक वासरु, एक मेंढा अनी एक वरीसना कोकरु; पापर्पण करता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरिसनं पाच कोकरा हया बठा अर्पण शदेयुराना पोर्‍या एलीसूर यानी आनं; पाचवा दिवसले शिमोन वंशमधला सरदार सुरीशादैनना पोर्‍या शलूमीयेल यानी अर्पण आनं; त्या हया अर्पण शेतस: पवित्रस्थानमधला शेकेलना चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नार्पण कराकरता तेलमा मळेल चांगलं पिठनं भरं व्हतं; धुपघाई भरेल दहा शेकेल सोनानं एक धुपाटनं, होमर्पण कराकरता एक गोऱ्हा, एक मेंढा अनी एक वरीसनं कोकरु; पाप अर्पणकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण सुरीशादैनना पोर्‍या शलूमीयेल यानी आणं; साहवा दिवसले गाद वंशमधला सरदार दगुवेलना पोर्‍या एल्यासाप यानी अर्पण आणं; त्या हया शेतस: पवित्रस्थानमधला शेकेलना चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमा मळेल चांगलं पिठनं भरं व्हतं; धुपघाई भरेल दहा शेकेल सोनानं एक धुपाटनं, होमार्पण कराकरता एक गोऱ्हा, एक मेंढा अनी एक वरीसनं कोकरु; पापर्णकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण दगुवेलना पोर्‍या एल्यासाप यानी आनं; सातवा दिवसले एफ्राइम वंशमधला सरदार आम्मीहुदाना पोर्‍या अलीशामा यानी अर्पण आनं; त्या हया शेतस: पवित्रस्थानमधला चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमा मळेल चांगलं पिठनं भरं व्हतं; धुपघाई भरेल दहा शेकेल सोनानं एक धुपाटनं, होमर्पण कराकरता एक गोऱ्हा, एक मेंढा अनी एक वरीसनं कोकरु; पाप अर्पणकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण आम्मीहुदाना पोर्‍या अलीशामा यानी आनं; आठवा दिवसले मनश्शे वंशमधला सरदार पदाहसुरना पोर्‍या गमलीयेल यानी अर्पण आनं; त्या हया शेतस: पवित्रस्थानमधला चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमां मळेल सपिठनं भरं व्हतं; धुपघाई भरेल दहा शेकेल सोनानं एक धुपाटनं, होमर्पण कराकरता एक गोऱ्हा, एक मेंढा अनी एक वरीसनं कोकरु; पाप अर्पनकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण पदाहसुरना पोर्‍या गमलीयेल यानी आनं; नववा दिवसले बन्यामीन वंशमधला सरदार गिदोनना पोर्‍या अबीदान यानी अर्पण आनं; त्या हया शेतस: पवित्रस्थानमधला चलनप्रमानं एकशे तीस शेकेल चांदीनं एक ताट अनी सत्तर शेकेलनं एक कटोरा, हया दोनी अन्नर्पण कराकरता तेलमा मळेल सपिठनं भरं व्हतं; धुपघाई भरेल दहा शेकेल सोनानं एक धुपाटनं, होमार्पण कराकरता एक गोऱ्हा, एक मेंढा अनी एक वरीसनं कोकरु; पाप अर्पणकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण गिदोनना पोर्‍या अबीदान यानी आणं; दहावा दिवसले दान वंशमधला सरदार अम्‍मीशद्दैना पोर्‍या अहीएजर यानी अर्पण आणं; त्या हया शेतस: पवित्रस्थानमधला शेकेलना चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमां मळेल सपिठनं भरं व्हतं; धुपघाई भरेल दहा शेकेल सोनानं एक धुपाटनं, होमार्पण कराकरता एक गोऱ्हा, एक मेंढा अनी एक वरीसनं कोकरु; पाप अर्पणकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण अम्‍मीशद्दैना पोर्‍या अहीएजर यानी आणं; आकरावा दिवसले आशेर वंशमधला सरदार आक्रानना पोर्‍या पगीयेल यानी अर्पण आणं; त्या हया शेतस: पवित्रस्थानमधला चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमा मळेल सपिठनं भरं व्हतं; धुपघाई भरेल दहा शेकेल सोनानं एक धुपाटनं, होमार्पण कराकरता एक गोऱ्हा, एक मेंढा अनी एक वरीसनं कोकरु; पाप अर्पणकरता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण आक्रानना पोर्‍या पगीयेल यानी आणं; बारावा दिवसले नफताली वंशमधला सरदार एनानना पोर्‍या अहीरा यानी अर्पण आणं; त्या हया शेतस: पवित्रस्थानमधला शेकेलना चलनप्रमानं एकशे तीस शेकेल चांदीनं एक ताट अनी सत्तर शेकेलनं चांदीनं एक कटोरा, हया दोनी अन्नर्पण कराकरता तेलमा मळेल सपिठनं भरं व्हतं; धुपघाई भरेल दहा शेकेल सोनानं एक धुपाटनं, होमार्पण कराकरता एक गोऱ्हा, एक मेंढा अनी एक वरीसनं कोकरु; पापर्पण करता एक बोकडया; शांत्यर्पण कराकरता दोन बैल, पाच मेंढा, पाच बोकडया अनी एक वरीसनं पाच कोकरा हया बठा अर्पण एनानना पोर्‍या अहीरा यानी आणं; वेदीले अभिषेक व्हयनं तवय इस्राएल लोकेसना सरदारकडतीन; तिना समार्पण हया शेतस; चांदीना बारा ताट, चांदीना बारा कटोरा अनी सोनानं बारा धुपाटना; एक एक चांदीना ताट एकशे तीस शकेलना अनी एक एक चांदीना कटोरा सत्तर शकेलना आशा बठा चांदीना भांडा पवित्रस्थानमधला शेकेलना चलनप्रमानं दोन हजार चारशे शेकेलना व्हतात. धुपना भरेल बारा धुपाटना पवित्रस्थानमधला चलनप्रमानं दहा दहा शेकेल व्हतात; त्या बठा धुपाटना एकशे वीस शेकेलना व्हतात. यानाशिवाय होमार्पण कराकरता बठा मिळीसनी बारा गोर्‍हा, बारा मेंढा, एक वरीसनं बारा कोकरा हया अर्पण कराकरता व्हतात; पापर्पण करारकरता बारा बोकडया व्हतात; शांत्यर्पणकरता बठा मिळीसनी चोवीस बैल, साठ मेंढा, साठ बोकडया अनी वरीसनं साठ कोकरा व्हतात. अभिषेक व्हावानंतर तिले समार्पण कराकरता हया अर्पण व्हतात; मोशे परमेश्वरनीसंगे बोलाकरता दर्शनमंडपमा गया तवय आज्ञापटना कोशवरना दोन्ही करुबामधला दयासनवरतीन व्हयेल त्यानी वाणी ऐकी; हाई प्रकारं परमेश्वर त्यानासंगे बोलना.

Ahirani Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.