गणना 29

नवा वरीसना सणमाधलं अर्पण

(लेवीय 23:23-25)

1मंग सातवा महिनानं पहिलं रोजले पवित्र मेळा लेवानं; त्यारोजले मेहनतीनं काम करानं नही; हाई तुमनं कर्णा वाजाडानं दिवस शे. 2परमेश्वरकरता सुवासिक हव्य म्हणजे एक गोऱ्हा, एक मेंढा अनी एक एक वरीसनं सात निर्दोष कोकरा हाई अर्पानं; 3त्यानासंगे अन्नार्पण तेलमा मळेल चांगलं पिठमा राहावाले पाहिजे; गोऱ्हानामांगे तीन दशमांस, मेंढानंमागे दोन दशमांस, 4अनी सात कोकरासमाधला एक एक कोकरानामांगे एक दशमांस माप चांगलं पिठ अर्पानं. 5अनी तुमनाकरता प्रायश्चित याकरता पापर्पण म्हणीसन एक बोकडयानं अर्पण करानं. 6महिनाना सुरवातना होमार्पण अनी त्यानासंगे अन्नार्पण अनी त्यानासंगे पेयार्पण यानाशिवाय हाई अर्पण परमेश्वरले सुवासिक हव्य मनीसन विधीपुर्वक अर्पण करानं.

प्रायश्चितना दिनना अर्पण

(लेवीय 23:26-32)

7हाई सातवा महिनानं दहावा दिनले तुम्हीन पवित्र मेळा लेवानं; त्या रोज तुम्हीन आपला जीवले तरास देवानं अनी कोनतंबी काम करानं नही; 8परमेश्वरकरता सुवासिक हव्य अर्पण करानं ते यानाप्रमानं: एक गोऱ्हा, एक मेंढा अनी एक एक वरीसनं सात नर कोकरासना अर्पण करानं. या बठा निर्दोष राहावाले पाहिजे. 9अनी त्यानासंगे तेलघाई मळेल चांगलं पीठनं अन्नबली राहावाले पाहिजे; म्हणजे गोऱ्हासनामांगे तीन दशमांस एफा, मेंढासनीमांगे दोन दशमांस एफा, 10अनी सात कोकरासमधला प्रत्येक कोकरानामांगे एक दशमांस एफा याप्रमानं चांगलं पीठनं अर्पण करानं; 11प्रायश्चितनं पापार्पण, कायमनं होमार्पण अनी त्यानासंगे त्याना अन्नार्पण अनी त्यानासंगेना पेयार्पण यानाशिवाय पापार्पणना एक बोकडयानं अर्पण करानं.

मंडपना सणना अर्पण

(लेवीय 23:33-44)

12सातवा महिनानं पंधरावा रोजले तुम्हीन पवित्र मेळा लेवानं; त्या रोज कोणतच मेहनतीनं काम करानं नही, अनी परमेश्वरकरता सात रोज सण पाळानं. 13परमेश्वरले सुवासिक हव्य मनीसन होमार्पण करानं ते आशे: तेरा गोऱ्हा, दोन मेंढा अनी एक एक वरीसनं चौदा कोकरा; या बठा निर्दोष राहावाले पाहिजे. 14अनी त्यानासंगे तेलघाई मळेल चांगलं पीठनं अन्नबली राहावाले पाहिजे; म्हणजे तेरा गोऱ्हासनामांगे एक एक तीन दशमांस, दोन मेंढासमाईन प्रत्येक मेंढानीमांगे दोन दशमांस, 15अनी चौदा कोकरासमाधला एक एक कोकरानीमांगे एक दशमांस चांगलं पीठनं अर्पण करानं; 16पापार्पण मनीसनं एक बोकडयानं अर्पण करानं; कायमनं होमार्पण अनी त्यानासंगे अन्नार्पण अनी पेयार्पण यानाशिवाय हाई अर्पण करानं. 17दुसरा रोजले बारा गोऱ्हा, दोन मेंढा अनी एक एक वरीसनं निर्दोष चौदा कोकरासनं अर्पण करानं. 18अनी त्यानासंगे गोऱ्हासकरता, मेंढासकरता अनी कोकरासकरता त्यासना संख्याप्रमानं अन्नार्पण अनी पेयार्पण विधीपुर्वक करानं. 19अनी कायमनं होमर्पण अनी त्यानासंगेना अन्नार्पण अनी त्यानाबरोबरनं पेयार्पण यानाशिवाय पापर्पण म्हणीसन एक बोकडयानं अर्पण करानं. 20तिसरा रोजले आकरा गोऱ्हे, दोन मेंढा अनी एक एक वरीसना निर्दोष चौदा कोकरासना अर्पण करानं. 21अनी त्यानासंगे गोऱ्हासकरता, मेंढासना करता अनी कोकरासना करता त्यासना संख्याप्रमानं अन्नार्पण अनी पेयार्पण विधीपुर्वक करानं. 22अनी पापार्पण मनीसनं एक बोकडयानं अर्पण करानं; कायमनं होमार्पण अनी त्यानासंगे अन्नार्पण अनी पेयार्पण यानाशिवाय हाई अर्पण करानं. 23चौदावा रोजले दहा गोऱ्हे, दोन मेंढा अनी एक एक वरीसना निर्दोष चौदा कोकरासना अर्पण करानं. 24अनी त्यानासंगे गोऱ्हासकरता, मेंढासकरता अनी कोकरासकरता त्यासना संख्याप्रमानं विधीपुर्वक पेयार्पण करानं. 25कायमनं होमार्पण अनी त्यानासंगे अन्नार्पण अनी पेयार्पण यानाशिवाय पाप अर्पण म्हणीसन एक बोकडयानं अर्पण करानं. 26पाचवा रोजले नऊ गोऱ्हा, दोन मेंढा अनी एक एक वरीसना निर्दोष चौदा कोकरासना अर्पण करानं. 27अनी त्यानासंगे गोऱ्हासकरता, कोकरासकरता अनी मेंढासकरता अनी त्यासना संख्याप्रमानं अन्नार्पण अनी पेयार्पण विधीपर्वक करानं. 28अनी कायमनं होमार्पण अनी त्यानासंगेना अन्नार्पण अनी पेयार्पण यानाशिवाय पापार्पण म्हणीसन एक बोकडयानं अर्पण करानं. 29सहावा रोजले आठ गोऱ्हा, दोन मेंढा, एक एक वरीसना निर्दोष चौदा कोकरासना अर्पण करानं. 30अनी त्यानासंगे गोऱ्हासकरता, मेंढासकरता अनी कोकरासकरता त्यासना संख्याप्रमानं अन्नार्पण अनी पेयार्पण विधीपुर्वक करानं 31कायमनं होमार्पण अनी त्यानासंगेना अन्नार्पण अनी पेयार्पण यानाशिवाय पापार्पण मनीसनं एक बोकडयानं अर्पण करानं. 32सातवा रोजले सात गोऱ्हा, दोन मेंढा अनी एक एक वरीसना निर्दोष चौदा कोकरासना अर्पण करानं. 33अनी त्यानासंगे गोऱ्हासकरता अनी कोकरासकरता त्यासना संख्याप्रमानं अन्नार्पण अनी पेयार्पण विधीपुर्वक करानं. 34कायमनं होमार्पण अनी त्यानासंगेना अन्नार्पण अनी पेयार्पण यानाशिवाय पापार्पण म्हणीसन एक बोकडयानं अर्पण करानं. 35आठवा रोजले तुम्हीन पवित्र मेळा लेवानं; यारोज कोनीबी मेहनतीन काम करानं नही. 36परमेश्वरले सुवासीक हव्य म्हणीसन होमार्पण करानं ते आशे: एक गोऱ्हा, एक मेंढा अनी एक वरीसनं सात निर्दोष कोकरा; 37अनी त्यानासंगे गोऱ्हासकरता अनी कोकरासकरता त्यासना संख्याप्रमानं अन्नार्पण अनी पेयार्पण विधीपुर्वक करानं. 38कायमनं होमार्पण अनी त्यानासंगेना अन्नार्पण अनी पेयार्पण यानाशिवाय पापार्पण म्हणीसन एक बोकडयानं अर्पण करानं. 39तुमनं नवस अनी खुशीतीन करेल अर्पण त्यानाशिवाय आजुन ठरायेल सणसमा हाई होमबली, अन्नार्पण, पेयार्पण अनी शांत्यर्पण परमेश्वरले अर्पण करानं. 40परमेश्वरनी मोशेले आज्ञा करेल व्हती त्याप्रमानं सर्वा काही त्यानी इस्राएल लोकेसले सांगं.