Jepania 2

Lwongo dano pi ngut

1Wubin, wucoke kacel, wun rok ma lewic pe makowu, 2ma pud peya kiryemowu woko macalo cung kal ma yamo tingo, ma peya kiniga mager pa Rwot obino ikomwu, ma peya nino me akemo pa Rwot obino ikomwu. 3Wuyeny Rwot, wun jo ducu mamwol me lobo man, ma wucobo cike; wulub kit ma atir dok wubed ki mwolo; gwok nyo kibibwotowu pe kipwodowu inino me akemo ma Rwot binyutu iye kinigane.

Can ma bipoto ikom rok ducu ma gurumu Icrael

41

Gaja bidong nono, Acikelon bidoko obur, jo Acidod kibiryemogi woko dyeceng, Ekron kibiryemo woko. 5Ci wubineno can wun jo ma wubedo i dog nam, wun rok me Keret! Lok pa Rwot tye marac ikomwu, in Kanaan, lobo pa jo Piliciti; en bityeko in woko nio ka ngat mo pe bidong boti. 6In dog nam, ibidoko olet bar pa lukwat ki dwol romi. 7Lobo dog nam bidoko pa jo Juda ma gudong, ci gibikwayo romigi iye; gibibutu piny otyeno i odi me Acikelon. Pien Rwot Lubangagi biparo pirgi, ci bidwoko gum botgi bene odoco.

8Rwot owaco ni, 2“Dong awinyo lok anywar pa jo Moab ki yet pa jo Ammon, ki kit ma gin nywaro ki jona, kun ginyutu tek me lobogi ikom jona ni gin gibimayo lobogi woko. 93Pimeno, macalo an Rwot Lubanga me Icrael atye makwoni, Moab bidoko calo Codom, jo Ammon bidoko calo Gomorra, en lobo ma opong ki ayila ki bur kado, ma dong obale matwal. Jona ma gin gudong biyakogi, jona ma gubwot ki ikin roka bileyo lobogi.”

10Man bitime ikom jo Moab ki jo Ammon macalo adwogi me wakegi, pien gungalo jo pa Rwot me mony dok bene guwake ikomgi. 11Rwot bikelo lworo madwong ikomgi ikare ma en bijwiko lwak lubangagu ducu ma iwi lobo, lobo pa lurok ducu bene gibiryebe piny inyime me wore, rok acel acel biworo en ki i kabedogi. 124

Wun jo Etiopia bene, kibinekowu ki pala lucwana. 135Rwot biryeyo cinge tung kumalo, ci bityeko jo Aciria woko; ci en biloko Nineve doko obur ma otwo calo tim aroo. 14Lim makwo bibutu i dyere kacel ki lee me tim ducu; acut ki coo gibibedo i wir odine; tula bikok ki i wang dirica, agak bikok i larii dogola; pien bao cedar dong kiyako kibalo woko. 15Man aye gin ma bitime ikom taun madit ma jone yam nyateni pi teke kun giwaco ni gitye kabedo me kuc, man aye gang ma oloko kekene ni, “An atye, dok pe tye ngat mo mukene.” Kit ma en odoko kwede obur, ki boro pa lee tim! Ngat acel acel makato ki ingete bipong ki ur madit kun jwiye ajwiya ma yengo ki wiye me nyutu cacgi ikom kabedo meno.