Jekaria 9

Ngolo kop ikom rok ma kanget Jerucalem

112

Man lok pa Rwot pi pwod ma bipoto ikom lobo Kadrak ki Damaciko. Pien taun madito ma i Aram gitye i cing Rwot, kacel ki kaka me Icrael ducu mere. 2Kamat bene matye i wang apoki Kadrak bene mere, wa Turo ki Cidon bene, kadi bed giryek dok gidwong ki diro tic mada. 3Turo ogero cel gogo pire kene gire, dok oguru ryal oyito malo calo kweyo, ki jabu bene macalo daba ma i gudu. 4Ento Rwot biyako jamine woko, bicoro lonyo mere ducu i nam, en Turo kikome kibiwango woko ki mac. 53

Acikelon bineno, dok lworo bimake; Taun madit me Gaja bene bineno, ci bilimo arem matek atika; Ekron bene kitmeno, pien kibibalo gin ma en genoni woko liweng. Kibineko rwot me Gaja woko; dok Acikelon bidong nono labongo dano mo iye. 6Rok ma orube ata aye gibibedo i Acidod. Abigiko wake pa jo Piliciti woko. 7Pe dok abiweko gibicamo ringo ki remone kacel, wa cam me kipyeda ma gicamo ducu dong abikwanyone woko ki ikin gi. Ci jo ma gubwot gibidoko jo acel ki jona; gibidoko macalo kaka matye i Juda, ki Ekron bene bidoko calo jo Jebuc. 8Abiguru kemana inget oda macalo lakurpiny, wek dul mony mo pe obed kakato ki ingete; Lugero mo ma burugi dong bene pe dok bidonyo ikin gi, pien kombedi an kikoma aye dong atyeko neno can gi ki wanga.

Rwot ma biloyo Cion

94

Wubed ki yomcwiny madwong, wun jo Cion!

Wugo kijira, wun jo Jerucalem!

Wunen ka rwotwu bino botwu;

ki deyo madit me loyo lweny,

kun obedo iwi kana ki mwolo, iwi latin kana. 105

Rwot owaco kuman ni,

“Abijwero gadigadi lweny woko ki i Epraim,

ki aguragura lweny ki i Jerucalem,

atum me lweny ducu kibiturugi woko.

Rwot ma mewu aye bitito lok me kuc bot rok mukene ducu;

ker mere biloyo piny nia i nam tungcel nio i nam mukene,

kun a ki i kulu Euprate o wa i agiki lobo.”

Roco Cion odoco

116

Rwot waco kuman ni,

“Pien an aketo remo me gicikena wan kwedi,

abigonyo joni ma kiterogi i opii ki i bur ma pii pe iye.

12Wudok cen wa i cel gogowu,

wun lumabuc matye ki gen,

tin atucu atir ni abiculu wang can ma ikato ki iyeni tye kiryo ki makato.

13Pien dong abitiyo ki Juda macalo atuma;

ki Epraim macalo aterona.

Jo Cion gubedo pala lucwan ma mera,

abitic kwedgi me lweny ikom jo Grik.”

14Ikare meno Rwot binen lamalo kawi jone,

aterone biwil calo lutkot,

ci Rwot Lubanga bikutu tume matek,

biwot ki i yamo lapiru ma tung acuc.

15Rwot me mony aye bibedo kwot pa jone,

ci gibityengo latangdingogi woko,

dok gibinyono lucelone woko piny;

gibimato remogi macalo kongo bwino,

ci gibiyeng kwede macalo becen mupong,

calo remo ma gicoro i gul keno tyer.

16Inino meno Rwot Lubanga bilaro jone macalo lakwat malaro romine,

pien gin jone; gin bibedo karyeny i lobone kitmeno,

macalo lutino kidi me wel maryeny ikom lalukana.

17Bere ki mwonyane dit ma pe tite!

Kom awobe bibedo bulubulu pi kal agwe,

ki kom anyira bene bibedo bulubulu pi kongo bwino manyen.