Jekaria 4

Ginanyuta me lacib mac tara

1Ci lamalaika ma ceng obedo kalok kwedani dok obino bota, ocako coya woko, kit macalo kicoyo dano ki iwang nino. 2Ci en ocako penya ni, “Ineno gin ango?”

Ci adoke iye ni, “Aneno lacib mac tara ma kome ducu obedo jabu ki atabo moo iwiye, ki tara abiro ma kicibogi iwiye, kun tara acel acel ma kicibo iwiyeni tye ki doge abiro. 31Yadi jeituni aryo tye gucung kangete, acel tung acuc me atabo moo, ki acel mukene tung acam.” 4Ci dok apenyo lamalaika ma obedo kalok kweda ni, “Ladit, magi gin ango ka?”

5Ci en odoka iye ni, “In pe ingeyo jami magi?” An dok agamo ni, “Pe angeyo gira, ladit.”

10bCi lamalaikanu owaca ni, “Mac tara abironi gin aye wang Rwot ma gibedo kangiyo lobo ducu.” 112 Ci dok anwoyo penyo lamalaikanu ni, “Yadi jeituni aryoni ma gitye inget tara tung ryoryoni kono tyen loke ango?” 12Ka dok amede ki penye ni, “Jang yadi jeituni aryoni ma gitye inget paipo aryo me jabu ma moo tye kamol ki i igini kono tyen loke ango?”

13Ka dok en openya ni, “Pe ingeyo jami magi?” Ci an adoke iye ni, “Pe angeyo, ladit.”

14Ci dong en otito bota ni, “Jang yadi aryo magi aye gucung pi jo aryo ma Rwot oyero ci owirogi ki moo wek gutii bote.”

Cike pa Lubanga bot Jerubabel

63

Lamalaikanu dok owaca ni amii kwena pa Rwot bot Jerubabel kun awace ni, “Pe ki twer kadi ki teko, ento pi Cwiny mera, aye ibicobo tici kakare, man lok pa Rwot me mony kikome. 7In Jerubabel, ibibedo ki ariya mogo madito calo got ma myero itii dok icobgi woko kakare. Ento gibidoko calo bar inyimi. Ci in ibikelo got me agiki ma bicobo gero Ot pa Lubanga. Dong ikare ma ibiketo got me agiki iwiye ci dano gibiwo ki dwon malongo ni, ‘Ot man nen munya mada, Lubanga oket gum ma mere obed ikome!’”

8Ci Rwot dok omede ki lok bota kun waca ni, 9“Jerubabel dong otyeko keto guti me ot man; En kikome aye bene bityekone. Man bimiyo jona gibingeyo ni, an Rwot me mony me polo aye ma aoro in botgi. 10a4

Pien cwinygi pe yom pi neno ni tic man tye kawot mot tutwal. Ento gin dong gibibedo ki yomcwiny, ka gibineno ka Jerubabel tye ki lapim i cinge kun nongo tye kamede ki gero Ot pa Lubanga.”