Jekaria 3

Ginanyuta ma Lanebi oneno ikom ajwaka madit

11

I ginanyuta mukene, Rwot dok onyuta Yocwa, ma en ajwaka madit, ma onongo ocung inyim lamalaika pa Rwot. Catan bene onongo ocung tung cinge ma lacuc kun tye atera me tongo lok me adot ikome. 22 Ci lamalaika pa Rwot owaco ki Catan ni, “Rwot myero ojuki in Catan! Rwot mayam oyero Jerucalem myero ojuki! Man pe en aye dog yen ma kikwanyo woko ki i mac?”

3Yocwa onongo ocung kun oruku bongi ma cilo mada. 4Ci lamalaika ocako owaco ki jo ma gucung inyime ni, “Wuluny bongi ma ciloni woko ki ikome.” Ka dok owaco bot Yocwa ni, “Nen, dong atyeko kwanyo bali woko ki ikomi, dong abiruki ki ginaruka me deyo.”

5Dok owaco ki jo ma gucung kangeteni ni, “Wudwal kitambara maleng iwiye.” Ci gucako dwalo kitambara maleng iwiye, ka dok guruke ki bongi manyen, kun lamalaika pa Rwot ocung kangete.

6Lamalaika pa Rwot dok ociko Yocwa matek kun waco ni, 7“Rwot me mony owaco kuman ni: kace ibilubu yona, kun igwoko loka ducu ma aciko, ci ibiloyo oda, kun igwoko dyekala bene, dok abimiyo ki in twer me bino wa bota ikin jo ma gicung kany. 83

Winy ba, Yocwa, in ajwaka madit, ki wun ajwaki ma wutiyo kacel bene wuwiny, pien wun aye lanyut ma cimo gin ma bitime i anyim. Nen, an dong abikelo latica, en ma kilwongo ni Jang Yat. 9Pien nen, aketo kidi inyim Yocwa, kidi acel matye ki twoke abiro, en aye abigoro coc ikome, man lok pa Rwot me mony kikome, dok abikwanyo alii me bal me loboni woko ducu inino acel keken. 104 Ka kare meno dong oromo, ci ngat acel acel ma ikinwu bibedo ite oloke ki ite odurune ki kuc labongo lworo mo. Kun bilwongo lawote wek obin onywak bedo kwede, man lok pa an Rwot me mony kikome.”