Jabuli 93

Lubanga aye Rwot

1Rwot en laloc madit, en oruke kideyo me twere;

Rwot dong oruke, ma otweyo pyere ki tek.

Eyo, en omiyo lobo dong ocung matek, pe kiromo dirone;

2komkeri omoko matek;

nia wa con onongo in dong itye.

3Nam madongo dong otyeko mor, Ai Rwot,

nam madongo dong oilo dwon gi kun mor matek;

ma gitwage itwok nam ci gimol liwolwol.

4Rwot tye kaloc kideyo madit i polo. Rwot dit kato mor me pii madwong,

twer me deyone kato biamwonyi me nam.

Rwot ma bedo i polo tye ki deyo.

5Ciki pe loke matwal, Ai Rwot;

Ot meri leng adada,

dok bedo kitmeno nakanaka.