Jabuli 87

Wer me pak pi Jerucalem

1Rwot ogero taun mere madit iwi got maleng;

2dok en maro taun madit me Cion

makato kabedo mukeneni ducu ma jo pa Yakobo gibedo iye.

3Winy, in taun madit pa Lubanga,

lok me aura me deyo ma en tye kalokone ikomi ni.

4“Ikin jo ma ngeya abitucu nying Rakab ki Babilon;

dok abikwano Piliciti, Turo ki Etiopia

ikin jo ma kinywalogi kunu.”

5Ikom Cion gin biwaco ni,

“Dano man ki maca ducu kinywalogi iye”;

pien Ngat Mamalo Twal aye bimiyo Cion cung liking.

6Rwot bicoyo nying rok woko ducu kore ki kore, kun coyo ni,

“Man, kinywalo kunu, ki man bene kinywalo kunu.”

7Luwer ki lumyel ducu gibiwaco ni,

“Wang it me gumwa ducu tye i in.”