Jabuli 82

Lubanga laloc madit makato ducu

1Lubanga dong obedo iwi kome i kacoke iwi polo,

ci ngolo kope i dye lwak lubanga ma gugure, kun waco ni,

2“Pe wubingolo kop kakare pi kare marom mene,

kun wudworo kor jo maracu?

3Wungol kop pa lugoro ki pa jo ma won gi peke kakare;

wugwok twero pa jo matye ki can ki jo ma dong piny obwoyogi i yo mupore.

4Wular lugoro ki jo ma piny obwoyogi;

wulargi ki i cing jo maracu.”

5Pe gitye ki ngec, dok niang mo bene peke botgi,

giwoto meggi ata i colpiny;

ngolo kop atir orwenyo woko ki i lobo ducu omiyo lobo tye kayenge ayenga. 61

Awaco ni, “Wun wubedo lubanga,

wun ducu lutino pa Ngat Mamalo Twal!

7Kadi bed kumeno, wubito macalo dano,

dok bene wubipoto piny oto macalo rwot mo keken.”

8A malo, Ai Lubanga, ingol kop ikom lobo;

rok ducu ma iwi lobo ni meri.