Jabuli 8

Deyo pa Lubanga ki woro pa dano

1Ai Rwot, in i Rwotwa,

dit me nyingi nen iwi lobo ducu!

Pak ma kikori kwede o malo i polo, 21

ma lutino lukere ki lutino ma pud dot giwero me paki.

Ityeko gero cel gogo me gwokeni pi gengo lukwori,

wek ilo lukwori ki jo ma lwenyo ikomi.

3Ka aneno polo, ma in itiyo ki cingi,

ki dwe ki lakalatwe ma iketogi i kabedogi liking; 42

dano kono gin ango mamiyo itamo pire,

dano adana ma mwani gin ango mamiyo iparo pire?

5Ento imiye dit ma in Lubanga keken aye iloye,

ka dong iketo lalukana me dit kideyo i wiye. 63

Iketo en obedo laloc maloyo gin ducu ma icweyogi;

iketo en obedo lalo jami ducu,

7romi ki dyangi, ki lee timgu,

8winyi kacel ki rec me nam,

ki kit gin ducu matye i dye nam.

9Ai Rwot, in i Rwotwa,

dit me nyingi nen iwi lobo ducu!