Jabuli 78

Lubanga ki jone

1Wucik itwu, wuwiny lok ma apwonyowu kwede, wun lwaka;

wucik itwu, wuwiny lok ma abicito kalokoneni. 21

Abiwaco botwu lok i carolok;

abitito botwu lok macon me koc lit,

3lok ma wan kikomwa wawinyo dok wangeyo,

ma kwarowa yam gutito botwa.

4Pe wakano lok man wek obedo me mung bot likwayogi,

ento wabitito bot yalwak ma lubuwa;

ki wabitito pi twero pa Rwot, ki pi tic matego ma en otiyo ducu,

ki pi tango mapol me aura ma en dong otiyo.

5En omiyo cik bot jo Icrael,

dok omiyo cik bene bot likwayo pa Yakobo.

En yam omiyo cik bot kwarowa me pwonyo ki lutinogi;

6wek yalwak malubu i anyim bene gunge cik magi,

gin lutino ma onongo pud peya kinywalogi,

wek gin bene lacen gutit lok man bot lutinogi.

7Wek ka guwinyo lok man ci gugen Lubanga,

wek wigi pe owil ikom tic ducu pa Lubanga,

dok bene gugwok cike ducu.

8Gin pe myero gubed macalo kwarigi,

gin yalwak ma cwinygi opong ki jemo,

yalwak ma tamgi pe omoko matek

ma pe gigeno Lubanga ki cwinygi ducu.

9Jo Epraim ma gilwenyo ki atum ki atero

guloke gudok woko cen inino me lweny.

10Pe gugwoko gicikegi ki Lubanga,

ento gukwero lubu cike woko.

11Wigi bene owil woko ikom tic mayam en otiyo,

kadi ki lwak tango mapol mayam onyutu botgi. 122

Lubanga yam otiyo lwak tango me aura ma kwarigi guneno

i bar me Joan, i lobo Ejipt. 133

En opoko dye nam woko aryo,

omiyo gukato ki iye wa loka tung cel,

en omiyo pii otinge malo likung. 144

En obedo katelo wigi ki i dyeceng ki pol,

ento i dyewor obedo katelo wigi ki mac ma lyel. 155

En obaro got i dye tim,

omiyo gumato pii madit adada macalo pii matye ikut matut.

16En omiyo ora kulu mapol gumol ki igot ma obari,

omiyo pii ocako mol ki iye cito piny macalo kulu madit.

17Ento pud gumede ki timo bal ikom Lubanga,

gujemo woko ikom Ngat Mamalo Twali i dye tim. 186

Gutemo Lubanga i cwinygi

kun gilege ni omii ki gin cam ma cwinygi opuke iyeni.

19Guloko lok marac ikom Lubanga kun giwaco ni,

“Lubanga twero miyo ki wan gin acama i dye tim kany?

20Kadi bed en obaro got ci pii okati ki iye,

ci kulu ducu gupong woko libyeny wa iwi tura;

ento en mono tika twero miyowa cam bene,

nyo miyo bene ringo bot lwake wek gucam?”

21Pimeno akemo omako Rwot matek ikare ma owinyo lokgi meno;

omiyo olwenyo ikom jo pa Yakobo ki mac,

ci kinigane onya omede ameda ikom jo Icrael,

22pien pe gubedo ki niye ikome,

dok pe gugeno ni en twero larogi.

23Ento en ociko pol matye malo,

ci oyabo dogola me polo; 247

ka dong ocako cwalo botgi manna me acama,

omiyo botgi kal ma oa ki i polo.

25Dano gucamo kwon ma lumalaika gicamo;

ci ocwalo botgi cam madwong ata.

26En omiyo yamo ma a tung kunyango okodo ki i polo,

dok bene otelo yamo ma kodo a tung kunyango ki twerone.

27En ocwalo lwak winyi opye botgi calo apwa,

gipol ma girom ki kweyo ma i dog nam;

28omiyo gupoto woko i dye gonygi,

ikabedo ducu ma orumu kemagi.

29Lwak gucamo ci guyeng bene matek,

pien Lubanga onongo dong omiyo botgi gin ma cwinygi opuke iye.

30Ento ma pud kee ringogi tye, ma peya guyeng maber,

ma onongo cam bene pud tye idoggi,

31kiniga omako Lubanga matek ikomgi,

ci oneko jo matego woko ki ikin gi,

ojwero twoni oteka ma kiyerogi ki ikin jone me Icrael woko.

32Kadi bed kumeno, jo Icrael pud gumede ameda ki timo bal;

kadi bed Lubanga otiyo jami tango mapol ento gin pe guye.

33Pimeno ogiko nino me kwogi woko calo yweyo,

ka orwenyo kwogi woko bene ki can madwong ma opoto atura.

34Ka inen en oneko jo mogo, ci jo mudong giloke giyenye ci gidwogo bote;

gin gingut ci giyenyo Lubanga ki cwinygi ducu.

35Gucako po ni Lubanga aye kalaregi,

Lubanga Mamalo Twal yam okokogi ki ican.

36Ento gubedo kabwole abwola ki lok doggi nono,

lok ducu ma gubedo kaloko bote obedo goba keken.

37Pe gumare ma kun omyero gumok ikome ki cwinygi ducu;

pe bene gubedo ki ada me gwoko gicike matye ikin gi ki Lubanga.

38Ento kica omako Lubanga ikom lwake.

En oweko balgi,

omiyo pe otyekogi woko.

Obedo kajuku kinigane tyen mapol,

pe obedo katugu akemone ducu.

39Wiye opo ni gin dano mamwa,

gubedo calo yamo ma kodo cito mere matwal ma pe dok dwogo cen.

40Gin gujemo ikome i tim pi kare mapol;

gucwero cwinye i aroo.

41Gubedo katemo Lubanga teretere,

gumiyo kiniga omako Ngat Maleng pa Icrael.

42Wigi owil woko ikom twerone,

kadi ikom nino ma en okokogi kwede ki i cing lukworgini,

43ikare ma en otiyo lanyut me jami tango mapol,

i bar Joan, i lobo Ejipt. 448

En oloko pii ma i kulu pa jo Ejipt ducu odoko remo,

wek pe gumat piine ma i ora kulu. 459

En ocwalo lwangi ikin gi ci ocamogi matek,

ocwalo ogwal bene ma obalo lobogi. 4610

En omiyo okwil ocamo ginapitagi woko,

ki camgi ma dong guyele kwede i poto omiyo bonyo ocamo woko ducu. 4711

En omiyo pee ogoyo olokgi obalo woko,

ki yadi olamgi obalo woko ki ngico.

48En omiyo pee oneko dyangigi woko,

ki lutkot bene ocelo romigi.

49En obangogi woko ki akemone mageri,

ki kiniga, acena ki can,

kun ocwalo lumalaika me jwerogi woko.

50En pe ojuku kinigane;

pe oye laro kwogi ki i to,

ento omiyo two gemo onekogi woko. 5112

En oneko lutino kayo ducu ki i Ejipt,

ma gin jo ma gukwongo nywalo ki tekogi ki i kema pa Kam. 5213

Ka dong otelo wi lwake okelogi woko macalo lakwat romi,

obedo katelogi kun gwokogi i tim macalo lwak lim. 5314

En otelogi ki kuc, omiyo pe gubedo ki lworo;

ento nam aye omwonyo lukworgi woko. 5415

En okelogi i lobone maleng,

i got ma en omayo ki twerone i lweny ma en oloyo. 5516

En oryemo lurok woko ki inyimgi;

ci opoko dul lobo ikin gi ma myero gucam obed meggi,

ci omiyo jo me kaka pa Icrael ducu gubedo mot i kemagi. 5617

Ento jo Icrael gutemo Lubanga Mamalo Twal,

dok gujemo woko ikome,

kun pe gilubu loke me caden,

57ento guloke gungayo wange woko macalo yam kwarigi gutimo;

guweke woko, gubole macalo atum ma ogom.

58Gumiyo kiniga omake pi wang jogigi ma guketo iwi godigu;

gumiyo nyeko omake pi cal lubangagu ma gupayo.

59Akemo omako Lubanga matek ikare ma oneno lok meno,

ci okwero jo Icrael woko marac tutwal. 6018

Ci en obwoto kemane ma en bedo iye i Cilo ni woko,

ma en aye gang ma en yam bedo iye ikin dano. 6119

En omiyo Canduk me Gicike ma en aye lanyut me twerone woko wek kiter i opii,

lanen me deyone omiyo woko bot lumerok.

62Akemo onongo omake tutwal ikom lwake,

omiyo lukworgi onekogi woko ki pala lucwan.

63Mac owango awobegi otyekogi woko liweng,

ki anyiragi bene pe dong giwero wer nyom mo.

64Kineko ajwakigi woko ki pala lucwan,

ci pe kiye montogi me kokogi.

65Lacen Rwot opo litaku calo oco ki iwang nino,

calo oteka ma omer ki kongo bwino ka dong dange.

66En oryemo lukwore gudok cen,

dok lewic ma bedo nakanaka opoto ikomgi.

67En okwero kema pa Yucepu woko,

pe oyero kaka pa Epraim.

68Ento oyero kaka pa Juda,

ki got Cion ma en maroni.

69En ogero kabedone maleng kunu, calo gange matye i polo;

ocibo ocung matek liking calo lobo,

ma en dong oketo bedo matwali. 7020

En oyero latice Daudi,

ci okwanye woko ki kakwayo romi;

71En okwanye okele woko ki kagwoko mere romi ki lutinogi,

ci okete obedo lakwat pa jone Icrael,

omiye odoko lakwat pa likwayo pa Yakobo ma lwak pa Lubanga.

72Daudi ogwokogi ki lengcwinye,

dok otelogi ki diro mada.