Jabuli 70

Lega pi kony

(Jab 40:13-17)

1Ai Lubanga, bed ki yomcwiny pi bino kalara!

Ai Rwot, bin oyotoyot ikonya!

2Wek lewic omak jo ma gimito neka,

dok gubed ki anyobanyoba bene;

wek kidwokgi cen,

wek lewic omakgi,

gin jo ma mito tima maraci!

3Wek gubed ki lewic madwong,

gin jo ma ginyerani!

4Ento i mii dano ducu ma giyenyo in,

gubed ki yomcwiny madwong ikomi;

dok i mii jo ma gimaro lari

gumede ki waco nakanaka ni, “Lubanga dit!”

5An gira lacan, dok piny obwoya woko;

bin bota oyotoyot,

Ai Lubanga!

In aye lakony ki lalara;

Ai Rwot, pe igale!