Jabuli 6

Lega pi kony ikare me can

11

Ai Rwot, kiniga pe omaki, pe icoka,

dok pe ipwoda ma itye ki akemo.

2Kica omaki ikoma do, Ai Rwot, pien koma dong oloc woko,

Ai Rwot, canga, pien koma ducu dong mwode amwoda wa i cogo.

3Kwona ducu opong ki can,

Ai Rwot, ibigale pi kare marom mene pi konya?

4Bin ilara, Ai Rwot;

lara ki i to, pien imara ki mar meri ma pe loke.

5Pien pe kipo piri i lobo pa jo ma oto;

ngat mo ma paki ki i lyel kunu peke!

6Dong aol woko ki kumu;

i dyewor ducu nongo pig wanga odyako kabutuna woko,

akok ma laten wiya dyak woko.

7Wanga okwot woko pi koko me cwercwiny,

wanga ocido woko, pe dong aneno piny maber;

man ducu otime pien lukwora giliba. 82

Wua wucit woko cen, wun lutim maracu;

pien Rwot otyeko winyo dwona ka akok.

9Rwot otyeko winyo ka abako doga;

dok Rwot ogamo legana.

10Lewic bimako lukwora ducu dok gibibedo ki cwercwiny madit tutwal;

gibiloke gidok cen cut ki lewic.