Jabuli 54

Lega pi gwok ki ikom lukwor

1Ai Lubanga, lara pi nyingi, dok imii alo kop pi tweroni.

2Winy legana, Ai Lubanga;

cik iti iwiny lok ma awaco.

3Jo ma luwake gubino kalweny ikoma,

jo mager gimito neka woko;

gin jo ma pe tamo pi Lubanga.

4Angeyo ni Lubanga aye lakony mera;

Rwot aye ma gwoko kwona.

5En biculu kwor ikom lukwora ki gin marac;

tyekgi woko liweng pien in Lubanga ma gene.

6Abityero gityer boti pi yomcwiny;

abimiyi pwoc, Ai Rwot, pien in iber.

7Nen dong ityeko lara ki ikit can ducu ma opoto ikoma,

dong aneno ni atyeko loyo lukwora woko.