Jabuli 34

Wer pak pi ber pa Lubanga

1Abipwoyo Rwot kare ducu;

dok abibedo ka pake nakanaka.

2Abipako en pi gin ma dong otyeko tiyo;

wek jo ma gitye ki can guwiny dok gubed ki yomcwiny.

3Wuribe kweda me pako dit pa Rwot,

wek wapaku nyinge kacel!

4Alego kony bot Rwot, ci en ogamo legana;

dok olara ki ikit lworo ducu ma onongo atye kwede.

5Wuket genwu bote, wek wangwu oryeny ma nongo cwinywu yom,

wek lewic pe omakwu.

6Jo ma piny obwoyogi gikok bot Rwot, ci en gamo doggi,

dok larogi ki i can ducu.

7Lamalaika pa Rwot cung kun gwoko jo ma gilworo Rwot,

dok larogi bene woko ki i can. 81

Kong item in kikomi ci ibinongo ni Rwot kara ber.

Dano maringo laro bote bedo ki yomcwiny!

9Wulwor Rwot, wun jo maleng mere ducu,

gin mo pe ma rem bot jo ma gilwore.

10Lutino labwor kare mogo camgi bedo peke, dok kec nekogi;

ento jo ma giyenyo Rwot gin mabeco mo pe birem botgi.

11Wubin wunu lutinona, wuwiny loka, ci abipwonyowu kit me woro Rwot. 122

Anga ma maro kwo,

ma mito ni ebed kwo pi kare malac wek enong yomcwiny ikom jami mabeco?

13Ngat meno myero ogwok lebe ma pe loko gin marac,

dok doge bene pe loko lok me bwola.

14A woko ki i gin marac, ci itii gin maber;

yeny kuc, dok itii matek macalo itwero wek inong.

15Rwot neno jo ma kitgi atir,

dok ciko ite winyo koko ma gikok bote pi kony.

16Rwot dag neno jo ma lutim maracu;

en miyo wi dano wil woko ikomgi matwal ki i lobo kany.

17Ka jo ma kitgi atir okok bote pi kony, en winyo kokogi,

dok larogi bene woko ki i can gi ducu.

18Rwot tye cok ki jo ma cwinygi otur,

dok laro jo ma gen gi dong peke.

19Dano ma kite atir limo can madwong;

ento Rwot lare ki i cane ducu. 203

En gwoko cogo ma ikome maber wek kadi acel mo pe otur woko.

21Gin marac bineko jo maracu;

dok jo ma gidag jo ma kitgi atir kibipwodogi.

22Rwot koko kwo pa lutice;

pe tye ngat mo ikom jo ma giringo gilaro bote ma kibingolo kop loyogi.