Acoli Bible Revision
Jabuli 23
Rwot aye lakwata
Rwot aye lakwat ma kwayo an;
pe tye gin mo ma birem bota. 1
En miyo abutu i olet maber,
en tera iwang pii mupye.
En roco kwona doko nyen.
En tela miyo abedo ki kit kwo ma atir
pi nyinge kene keken.
Kadi bed awot i nota me tipu to,
pe abilworo gin mo marac;
pien in itye kweda;
tongi ki odooni me kwat gimiyo cwinya bedo tek.
Iketo meja me cam inyima
ma nongo lukwora bene gineno;
ijola maber kun iwiro wiya ki moo,
kikopona bene opong woko libyeny.
Adada, beri ki kicani bibedo ikoma
pi kare me kwona ducu;
dok an abibedo i Ot pa Rwot matwal.
Source notes (1)
- Cross-reference Niy 7:17
Acoli Bible Revision. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.