Jabuli 22

Koko me remcwiny ki wer me pak

11

Lubangana, Lubangana, itenya woko pingo?

Pingo ibedo kamabor ma pe iromo lara,

ma bene pe iwinyo ka acur acura?

2Akok boti dyeceng, Ai Lubangana, ento pe igamo doga;

akok boti dyewor benebene,

ento pe anongo kit yweyo mo.

3Ento kun in ibedo iwi komkeri macalo Laker Maleng,

in aye Lubanga ma jo Icrael gipako.

4Kwariwa yam gugeni;

gugeni, ci omiyo ilarogi.

5Gin gukok boti, ci ilarogi;

gugeni, omiyo lewic pe omakogi.

6Ento an mere acalo kwidi, ma konye peke;

jo ducu gingala dok gicaya. 72

Jo ducu ma ginena gijwiya ajwiya,

gijanyo doggi ikoma, kun giyengo wigi. 83

Gin giwaco ni, “En omiyo kwone bot Rwot;

wek Rwot olare,

wek Rwot olare ka cwinye yom ikome!”

9In aye yam ikonya omiyo kinywala;

ikare ma an pud latin lakere igwoka maber.

10Cake ma kinywala abedo ka jenge ikomi,

cake ikare ma maa onywala in aye ibedo Lubangana.

11Pe ibed bor kweda,

pien ayelayela tye cok;

pe tye ngat mo ma myero okonya.

12Lukwor mapol guruma woko macalo twoni,

gin ducu guruma woko dyere,

calo twoni ma komgi tek ma gua ki i lobo Bacan.

13Gin ngamo doggi malac ikoma,

calo labwor mager matye kakoko.

14Teka otum woko macalo pii ma kionyo i ngom,

cogona ducu guwote woko ki iwang mwot;

cwinya leny calo odok kic matye kaleny.

15Teka otwo woko calo tako mutwo,

ki leba bene omoko woko i dana;

imiya apoto piny i apwa macalo ngat ma oto.

16Eyo, dul pa jo ma gin lutim maracu gugura woko dyere,

gin calo lwak gwogi ma gugura woko dyere

ma dong gikayo cinga ki tyena.

17Atwero kwano wel cogona ducu.

Ginena ki cac ma guciko wang gi ikoma. 184

Gupoko ginarukana woko ikin gi,

kun gibolo kwir pi bongona.

19Ento in, Ai Rwot, pe ibed kamabor kweda!

In Lalara, rune ibin oyot ikonya!

20Lara ki i lak pala lucwan,

lar kwona ki i teko pa gwogi magi!

21Lara ki i dog labwor magi,

dong ityeko laro kwona woko ki i tung twoni mageri!

22Abitito pi gin ma itiyo bot utmegina;

abipaki i dye lwak ma gucoke kacel.

23Wun jo ma wulworo Rwot, wupake!

Wun likwaye pa Yakobo ducu wumiye deyo,

wuwore, wun jo Icrael ducu!

24En pe cayo can pa jo ma can opoto ikomgi;

iye pe dag neno can gi,

ento winyo kokogi, ka gukok bote.

25Abipaki i dye lwak madwong ma gucoke kacel;

abicobo kwonga inyim jo ducu ma gilwori.

26Jo ma can opoto ikomgi gibicamo cam ma giyeng;

ki jo ma giyenyo Rwot gibipake!

Myero gubed ki kwo maber nakanaka!

27Rok ducu ma i lobo gibipo ikom Rwot;

gibia ki i kabedo ducu gidwogo bote;

kaka ducu me rok mapatpat gibibino kawore.

28Rwot aye laker,

dok loyo jo me rok ducu.

29Eyo, jo ducu ma gin camo dito me lobo gibigungu piny bote;

ki jo ma oto ma gidok i ngom gibigungu piny inyime,

wa jo ducu ma gingeyo ni gin bene pe gibedo kwo.

30Yalwak me kare ma anyim ducu gibitiyo bote;

dano gibitito lok ikom Rwot bot yalwak ma lubugi,

31kun gitucu lare bot jo ma pud peya kinywalogi,

ni Rwot aye ma olaro jone.