Jabuli 16

Lega me gen

1Gwoka, Ai Lubanga, pien aringo alaro boti.

2Awaco bot Rwot ni. “In i Rwoda;

gin maber ducu ma atye kweda a ki boti.”

3Jo maleng ma i lobo gin jo me awora,

ma giyomo cwinya mada.

4Jo ma giyero lubanga mukene ginyayo cwercwinygi gimedo ameda;

an pe abionyo gityergi me remo,

dok bene pe abilwongo nying jogigi ki doga ikare me legana.

5Rwot in aye dula ma kipoka,

in imiya gin ducu ma amito;

kwona ducu tye i cingi.

6Jami ducu ma imiya gibeco ma yomo cwinya;

eyo, gin ducu gibeco adada.

7Apwoyo Rwot ma omiya ryeko;

cwinya bene pwonya kadi ki i dyewor. 81

Kare ducu angeyo ni Rwot tye kweda;

pe kibidira woko cen, pien en tye tung bota gin mo pe bitaga.

9Pimeno omiyo abedo ki yomcwiny madwong,

nino ducu abedo mere maber ki kuc; 102

pien in pe ibitenya ata i lobo pa jo ma oto,

dok pe ibiweko danoni ma geni i bur lyel.

11In dong ibinyuta yo ma tera i kwo;

bedoni kweda miyo abedo ki yomcwiny madwong mada,

dok miya yomcwiny ma bedo nakanaka.