Jabuli 15

Gin ma Lubanga mito

1Ai Rwot, anga ma bibedo i kemani?

Anga ma bibedo iwi got meri maleng?

2Ngat ma cwinye leng; dok ma tiyo gin ma atir,

ma loko bene lok me ada ki cwinye ducu;

3ma pe coko lok me kwot ilok ma en loko,

dok en pe timo gin marac mo ikom lareme,

dok pe balo nying lawote.

4En cayo jo ma pe giworo Lubanga,

ento en woro jo ma gilworo Rwot.

Pe loko kwong mayam okwongo, kadi bed kwongeni kele can.

5En pe mito enong magoba ikom lim ma en konyo ki dano,

dok pe gamo lim ma kiwile kwede i mung

wek kiwe lok odok ikom ngat ma peke ki bal.

Ngat ma tiyo kumeno pe kidiro woko cen.