Jabuli 14

Tim maracu pa dano

(Jab 53)

11

Luming waco ki i cwinygi ni,

“Lubanga gire peke.”

Gin jo ma kitgi racu ma gitimo gin me kwer;

pe tye ngat mo ma tiyo gin maber.

2Rwot neno dano ducu ki i polo,

me neno kace tye jo mogo ikin gi ma gitiyo ki ryeko,

ma giyenyo Lubanga.

3Ento gin ducu dong gungak woko, gudoko jo ma kitgi racu;

pe tye ngat mo ma tiyo gin maber, pe tye, kadi ki acel.

4Gin jo ma lutim maracuni, mono pe gitye ki ngec?

Gin giyako lim pa jona calo gicamo kwon,

ma pe bene gilwongo nying Rwot.

5Ento gibibedo kunu ki lworo madwong,

pien Lubanga tye ki jo ma kitgi atir.

6Wun wumito balo yub pa lacan, ento Rwot aye ka larene.

7Onongo bedo ber ka lare pa jo Icrael obino ki i Cion!

Ka Rwot bidwoko gum bot jone,

jo pa Yakobo bibedo ki yomcwiny madwong,

ki jo Icrael bene cwinygi bibedo yom.