Jabuli 13

Lega pi kony ikare me can

1Ai Rwot, wii mono biwil woko ikoma pi kare, marom mene?

Wii biwil woko matwal bo?

Ibikane woko ki bota pi kare marom mene?

2Myero abed ki arem pi kare marom mene,

dok bene myero abed ki cwercwiny dyeceng ki dyewor benebene?

Lukwora kono wigi pil ikoma pi kare marom mene?

3Nen tung bota ci igam doga, Ai Rwot Lubangana.

Meny wanga, wek pe anin nino me to,

4miyo lukwora giwaco ni, “Watyeko loyo en woko!”

Dok pe iwek lukwora gubed ki yomcwiny pien dong apoto i can.

5Ento an dong atyeko geno mar meri ma pe loke;

dok abibedo ki yomcwiny pi lar meri.

6Abiwero wer bot Rwot,

pien otima maber atika.