Jabuli 137

Koko pa jo Icrael ikare me opii i Babilon

1Wabedo piny inget kulu me Babilon,

ci wakok matek ikare ma wapo pi Cion.

2Wangabo opukwa malo

i kor yadi ma i dog kulu kunu.

3Pien jo ma gumakowa ma guterowa i opii guwaco ni myero wawer botgi;

gin jo ma giunuwa gumito ni wawer wer me yomo cwiny,

kun giwaco ni, “Wuwer ki wan wer mo ma loko lok ikom Cion!”

4Wan watwero wero wer pa Rwot i lobo pa lurok ningning?

5Wek cinga ma lacuc otwo woko,

kace wiya wil ikomi, in Jerucalem!

6Wek leba omok woko i dana,

ka pe apo piri,

ka pe atamo piri, in Jerucalem, macalo gin ma miya yomcwiny makato!

7Ai Rwot, po pi nino ma Jerucalem oneno can iye,

ci icul wange ikom jo Edom. Po kit ma gubedo ka waco ni,

“Ret woko, ret woko piny wa i ngom ite gutine!” 81

Dong wun jo Babilon, kibityekowu woko!

Ngat ma biculu kworwa ikomi

pi gin ma itimo ikomwa, bibedo ki yomcwiny.

9Gibimako lutinoni,

ci kijwatogi woko ikom got!