Jabuli 128

Gum ma Rwot miyo bot ngat ma lawiny

1Tye ki gum dano ma winyo dog Rwot,

ma bedo kun lubu yone!

2Ibicamo cam ma oa ki i tic ma itiyo ki cingi;

ibibedo ki yomcwiny dok ilimo lwak lonyo madwong.

3Dakoni bibedo calo olok ma nyako nyige madwong i odi;

ki lutinoni bene gibibedo calo yat ma pote lot

kun gibedo girumu mejani woko.

4Nen, meno aye kit gum ma poto ikom dano

ma lworo Rwot.

5Rwot myero omini gum ki i Cion.

Wek inen lonyo matye i Jerucalem,

pi kare me kwoni ducu!

6Wek bene inen likwayu!

Kuc obed ikom Icrael!