Jabuli 127

Wer me pako ber pa Lubanga

1Ka pe Rwot aye ma ogero ot,

jo ma gero gicane nono.

Ka pe Rwot aye ma okuru taun madit,

lakurpiny bedo kakuru piny nono.

2Kadi ka wupuk con katic,

ma wudok paco kayweyo wa mot,

kun wucamo kwon wuparo kwede pi tic ma wutiyo,

meno ducu nongo pe konyowu;

pien Rwot miyo jami bot jo ma en maro, kadi ka gunino.

3Nen, lutino aye mot ma oa ki bot Rwot,

gin aye mot ma kinywalogi anywala.

4Lutino ma dano mo onywalo ma pud en tidi,

gitye calo atero matye i cing ngat ma lalweny.

5Ngat ma ajurune opong ki lwak atero ma kitmeno

bedo ki yomcwiny!

Pe kiloye wa ki acel

ikare ma en bilok ki lukwore ki i dog cel.