Jabuli 123

Lega pi kica

1Ai Rwot, ailo wanga aneno boti,

in ma ibedo iwi komkeri i polo!

2Macalo wang lutic

gineno bot rwotgi,

macalo wang angeca

neno bot mego ma en bedo bote,

ci wan bene waneno boti in Rwot Lubangawa,

nio wang ma kica omake ikomwa.

3Kica omaki ikomwa, Ai Rwot,

kica omaki ikomwa do,

pien dong kicayowa tutwal!

4Dong waol woko ki cac pa lulonyo

wa ki ngala pa jo ma gitye ki kwo mayot.